Бөек мәгърифәтче Иван Яковлевны искә алу көне

(Тәтеш, 26 октябрь, “Тәтеш таңнары”).

24 октябрь Кошки-Новотимбаево авылында чуаш халкының күренекле мәдәният эшлеклесе һәм мәгърифәтчесе, чуаш алфавитын төзүче, хәзерге чуаш язуына нигез салучы Иван Яковлевич Яковлевны искә алу көненә багышланган митинг булып узды.

Митингта катнашучылар чуваш мәдәнияте Патриархын бер минут тынлык белән искә алдылар һәм чәчәкләр куйдылар. И.Я. Яковлевка багышланган истәлекле чаралар, акцияләр, әңгәмәләр Тәтеш районы авыл мәдәният йортларында да узды.