Бәйрәмгә бүләк булды

(Тәтеш,  14 декабрь, Тәтеш таңнары, Галина ТАҖЕТДИНОВА (автор фотосы) ).  Медицина учреждениесе бер торак пунктка хезмәт күрсә­тәчәк, анда 300 кеше яши, шулар арасында – 47се балалар, өчесенә бер яшь тә тулмаган.

Авыл тормышындагы әһәмиятле вакыйга “Татарстан кешеләренә беренчел медицина-санитария ярдәмен тормышка ашыру” рес­публика максатчан программасы ярдәмендә мөмкин булды. 
Район башлыгы Рәмис Сафиуллов тантаналы чарага җыелган күп сандагы авыл кешеләрен һәм кунакларны сәламләде.

“Авыл җирлегендә яшәү шартлары елдан-ел яхшыра бара, – дип мөрәҗәгать итте ул бидәңгелеләргә. – Хәзерге барлык таләп­ләргә туры китереп төзелгән яңа бина һәркемгә уңайлы һәм авылда яшәүчеләргә беренчел медицина ярдәме күрсәтү сыйфатын, медицина хезмәткәрләренең хезмәт шартларын яхшыртуны арттырачак”.

Район башлыгы “Энергия-БУА” ҖЧҖ төзелеш бригадасы бригадиры Сергей Антоновка ФАП төзелешенә керткән өлеше өчен Рәхмәт тапшырды.

Районның баш табибы Ринат Салаватуллин авыл кешеләренә нык сәламәтлек теләп, үз һөнәренә 30 елга якын тугры калган авылның шәфкать туташы Әлфия Абдрахмановага районның сәламәтлек саклау системасында озак еллар намуслы хезмәте өчен Тәтеш үзәк район хастаханәсенең Рәхмәт хаты тапшырды. Яңа ФАПта акушерлык, процедура, балаларны кабул итү бүлмәләре урнашкан. Алар заманча медицина җайланмалары – бактерицид­лы нурландыру, гинекология кәнәфие, манипуляцион өстәлләр, идәнгә куелган электрон үлчәүләр, шулай ук яңа туган сабыйлар өчен карап тикшерү ятаклары, медицина шкафлары, фармацевт суыткычлары белән җиһазландырылган.

Җирле яшәүчеләр мондый яңа ел бүләгеннән бик канәгать. “Нинди яхшы – уңайлы, матур, ә иң мөһиме, безгә бирегә йөрүе бик якын булачак”, – дип шатлыкларын уртаклаштылар Иркинә Нәфигыйна белән Әнүзә ­Вәлиуллина.

Авыл кешеләре өчен күңелле мизгелләр тәмамланмады – бө­тен тирә-якка күңелле көйләр яңгырады, район мәдәният йорты артистлары барысын да үзләренең җырлары белән хозурландырдылар, ә җыелучылар музыкага кушылып биеп тордылар һәм башкаручыларны алкышладылар.