Газета яздыру — гаилә традициясе

Бүләк уйнатуның шартлары буенча аңарда 2024 елның беренче яртыеллыгына район газетасын рәсмиләштергән һәм безгә квитанция күчермәләрен китергән яки җибәргән һәркем катнаша алды. Бу юлы районда яшәүче 385 кеше уенда катнашырга теләк белдерде. 

Редакциядә елның соңгы эш көнендә лототрон ярдәмендә көмеш волонтерлар Олег Евсеев һәм Анатолий Хохлов җиңүчеләрне — йорт өчен көнкүреш техникаларына ия булучыларны билгеләделәр. 

Безнең традицион отышта һөнәре газетабыз белән бәйле булган кешенең отуы сөендерә. Олы Шәмәк почта бүлеге начальнигы Вера Чайкина вазифасында биш елдан бирле эшли, "Авангард«ны гомере буе алдыра. 

— Безнең почта бүлеге буенча «Авангард» басма матбугат буенча беренче урында, планны һәрчак үтәргә тырышабыз, — ди ул. — Газетаны китергәч, без аны беренчеләрдән булып кулга алабыз. Безнең авылдан катнашырга күп кешеләр квитанцияләрен җибәрделәр, шәхсән үземнекен беренче тапкыр җибәрдем, безнекеләр отачагына ышандым, ләкин үзем турында ничектер уйламадым да. Бүләккә электр чәйнеге алдым, аның йорт хуҗалыгында һәрчак кирәге чыгачак. 

Шәһәрле Алексей Филиппов электр иттарткычына ия булды, аның әйтүенчә, ул газетаны бу юлы рәсмиләштерергә җыенмаган булган. 

— «Авангард» газетасын гомерем буе яздырам. Ни аяныч, соңгы вакытларда аны китерү белән кыенлыклар килеп чыкты, чөнки безнең урамда почтальон юк. Яздырмаска да уйлаган идек, әмма хатыным газетасыз кала алмыйм диде. Якындагы кибеттә 550 сумга альтернатив подписка рәсмиләштерү мөмкинлеге килеп чыкты, дөрес, газетаны үзебезгә барып алырга кирәк булачак. Ерак барасы түгел, аның каравы безнең йортта һәр җомгада яраткан «Авангард» булачак. Отышка квитанцияне беренче тапкыр җибәрдек, һәм безгә уңыш елмайды, бары тик газеталы гына түгел, әле тагын электр иттарткычлы да булдык. Мондый техника өебезгә кирәк, пилмән, кәтлит яратабыз, ит үзебезнеке, дуңгызлар асрыйбыз, шулай булгач, барысы да заказ буенча кебек булды. 

Дмитрий Молодцов үзенең 74 яшьлек бабасы Николай Ермошкин өчен бүләк алырга килде.

Оныгы әйтүенчә, Николай Николаевич газетаны гомере буе алдыра, аны укырга ярата. Дмитрий откан мультиварка өлкән яшьтәге кеше өчен кухняда бик яхшы ярдәмче булачак һәм безгә ул аны заманча күпфункцияле электр приборы белән файдаланырга өйрәтәчәкләрен вәгъдә итте.

Алексей Ерастов әнисе Мария Ивановна откан призны аңа илтеп бирү өчен Колунецтан килде. 

— Әнигә 77 яшь, ул гомере буе терлекчелектә эшләде, ферма мөдире булды. Ул бик хезмәт сөючән, тәмле пешерә. Алар безне, дүрт малайны, тәрбияләп үстерделәр, аларның оныклары күп, — диде ул. — Редакциядән бүләк ителгән тостер тиз генә әзерләп сыйлар өчен зур ярдәмче булачак, оныклар бутербродларны бик яраталар. Югыйсә аларның әниләре пешергән пироглар белән чагыштырып булмаса да... 

Удельное Нечасоводан китапханәче Надежда Потапова район газетасы эшкә дә, теркәлү адресы буенча да килә, дип хәбәр итте. 

— Үземне белгәннән бирле «Авангард» әби белән бабайның, әти-әнинең өендә һәрчак булды, хәзер безнекендә дә, бу гаилә традициясе, — ди ул. — Улларыбыз безгә кунакка кайткач, яңалыклар белән кызыксыналар, газетаны укыйлар. Квитанция күчермәсен мин редакциягә беренче тапкыр китердем, әйтергә кирәк, үтеп барышлый керттем, отышка өметләнмәдем. Һәм шундый көтелмәгән шатлык — бүләккә үтүк алдым, ул хатын-кызлар өчен йорт хуҗалыгында беркайчан да артык булмаячак. 

Шәһәрле Әмир Хәйруллин (рәсемдә) төп приз — термопотка ия булды. 

— Тәтеш районында мин 1986 елдан бирле яшим, кайткач ук газетаны рәсмиләштердем. Миңа барысы да, нинди объектлар барлыкка килүе, кешеләр, кемнең туган көне булуы турында уку кызыклы, — дип уртаклаша Әмир Кашаф улы. — Бүләк отышка берничә тапкыр квитанция тапшырдым, чөнки ул сездә һәр ярты ел саен уза бит, һәм хәзергесен юкка гына җибәргәнмендер, мөгаен, дип уйлаган идем. Бушка булып чыкмады, яхшыга өметләнергә кирәк дип юкка гына әйтмиләр, һәрчак өмет булырга тиеш. Бүләк күңелле көтелмәгән сөенеч булды, өебездә аш-су өчен техникалар күп, әмма термопот юк. Без гаиләдә милли йола буенча — чәй эчәргә яратучылар, моның өчен хуш исле үләннәрне үзебез әзерлибез, һәм мондый бүләк безнең өчен бик әйбәт булачак. Хәзер, хуш исле чәй агызган саен, без «Авангард» һәм аның коллективы турында искә алачакбыз. 

Без призга ия булучылардан күп җылы рәхмәт сүзләре, әле тагын да күбрәк — район матбугатының кирәклеге, аның әһәмиятле булуы турында ишеттек, бу, әлбәттә, аны булдыручылар өчен бик мөһим һәм кадерле.

Реклама хокукында

16+