Тәтеш таңнары

Тәтеш районы

18+
Рус Тат
2024 - год Семьи
Көн темасы

Гәҗитне конвертта җибәргән

Эш белән редакциягә кергән Нина Палачева белән әңгәмәбез: “Сез безнең гәҗитне укыйсызмы?” – дигән сораудан башланды.

(Тәтеш, 17 март, "Тәтеш таңнары", Мәдинә ИБӘТУЛЛИНА, автор фотосы). “Тәтеш белән мин ярты гасыр чамасы элек таныш – 1972 елда педагогия училищесына укырга кергәннән алып. Дус кызлар белән бик яхшы кешегә – Ибраһим Сә­мит улына фатирда яшәп торырга урнаш­тык. Ул 82 яшьтә булса да, күп укыды, вакытлы матбугатны шактый яздыр­ды. Безгә дә җирле гәҗиттән район яңалыкларын белү шулай ук кызык­лы иде. Иң эчтәлекле язмаларны мин пөхтә итеп кисеп алып, Әлки районындагы әти-әниемә хат итеп җибәрә идем”, – ди Ни­на ­Петровна.  

Аның әнисе Липецк өлкәсеннән, аяусыз  Ста­лин репрес­сия­­се­­­нә эләккән Ка­­­зан­­ский фамилия­ле руха­ни гаиләсеннән була. Йортларын тартып алалар, ун бала урамда торып кала. Әниләре сигезенче бала була, аны укытучы булып эшләүче олы апасы Нина тәрбиягә ала. “Әни Ленинград өлкәсендәге фарфор фаб­рикасында эшләде. Аның тормышына су­гыш, фашистлар һө­җүм итүе һәм ашыгыч эвакуация кирәклеге турындагы листовкалар ташлаган самолетлар гүләве булып үтеп кергән. Барысы да йөгерә башлый.  Станция­гә кадәр 25 чакрым баралар.  Поездга уты­руга, бомбага тоту башлана. Һәркайсы вагоннардан тирә-як­ка чабалар – кычкырган һәм елаган тавыш­лар ишетелеп тора... Барып җиткәч, әнине Лаеш районына, Спасска җи­бәрәләр, ул анда урманчылыкта эшкә урнаша. Соңрак Әлки районына күченә”, – дип дәвам итә педагогия хезмәте ве­тераны. 

Сугыш тәмамланганнан соң, фронттан поселокка ике култык тая­гында Петр Корнелаев кайта. Әти-әнисе аңа эвакуацияләнгән кызга күз төшерергә киңәш итәләр: “Татьяна Александровна – бик яхшы хатын-кыз”,  диләр алар. Яшьләр бер-берсен ошаталар һәм озакка сузмый өйләнешәләр. Петр да шулай ук урманчылыкта хезмәт куя башлый, әмма колхозда эшкә урнашудан баш тартканы өчен, моны сәяси адымга санап, аны хөкем итәләр һәм 1949 елда Якутиягә 8 елга сөргенгә озаталар. “Әни аның белән тайгага китә. Әти башта слюда белән вагонет­калар йөртә, ә аннары намуслы хезмәте өчен аны баш бухгалтер итеп билгелиләр. Әни цех начальнигы булып эшли. Икенче энем поселокта туа. 

Әти белән әни, 1955 елда әтине амнистия буенча азат иткәнче, шактый авырлык­ кичерә, – дип сөйли  күз яшьләрен яшермичә Нина Пет­ровна. – 1977 елда әти вафатыннан соң, 1990 елда әни Тәтешкә күченде. Әни үзенең соңгы көннәренә кадәр район гәҗитен яздырды, кызыксынып укыды, – дип тәмамлады әңгәмәне кунагыбыз. – Ул Тәтеш ягының табигатенә һәрчак сок­ланды, әлеге урыннарны җәннәт почмагы дип әйтә иде”.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев