Грипптан нигә прививка ясатырга кирәк

(Тәтеш, 26 ноябрь, “Тәтеш таңнары”, Елена Викторова). Вакцина грипп йоктыру куркынычын һәм чирнең авыр төрдә көчәеп китүен, үлем-җитем килеп чыгуын шактый киметә.

– Грипптан вакцинаның составы ел саен яңадан карала. Аларга, фаразлаулар буенча, алда торган сезонда иң таралачак вирусларны кертәләр. Вакцинада тере вирус юк, ул гриппның үзенә караганда мең тапкырга куркынычсызрак, – дип билгеләп үтә Тәтеш үзәк район хастаханәсенең табиб-эпидемиологы Алмаз Юнысов.

Грипптан вакцина ясату өчен заманча дүрт валентлы һәм өч валентлы вакцина кулланыла. Икесе дә апробацияләнгән, алардан соң өзлегүләр теркәлмәгән.

Грипптан вакцина ясату белән беррәттән КОВИД-19дан да прививка ясатырга мөмкин.

– Грипптан прививканы Тәтеш үзәк ­район хас­таханәсе поликлиникасында, Олы ­Тархан участок хастаханәсендә, Олы Шәмәк табиб амбулаториясендә, фельдшер-акушерлык пунктларында ясатырга була, – дип билгеләп үтте белгеч.

фото: Татар-информ