Яңа елда – район газетасы белән бергә

(Тәтеш, 1 январь, “Тәтеш таңнары”). Киләсе елга “Авангард” үзенең 105 еллык юбилеен билгеләп үтәчәк! Һәм шушы барлык юлны без газета укучылар белән шатлыкларны да, борчуларны да уртаклашып, бергәләп үттек.  

Укучыларыбызның ел­дан-ел шактый кими баруы безне сагайта, әлбәттә. Аларның кай­бер­ләрен без өлкәнәю яшенә җитү сәбәп­ле югалттык, чөнки тугры укучыларыбызның күп­челеге – олы яшьтәге кеше­ләр, ә кайберәүләр электрон рәвештәге масса­күләм мәгълүмат чараларын өстен­рәк күрәләр. Шулай да, без­нең абунә кампаниясенең өченче тапкыр инде тира­жы­быз­ның 3600 данә булып калуы районыбызда яшәүчеләр өчен басма сүзнең элеккечә үк мөһим булуына өмет уята.  

Шунысын да билгеләп үтәргә кирәк, барлык авыл җирлекләре дә берничә ел эчендә беренче тапкыр “Тәтеш таңнары” һәм “Авангард” газеталарын яз­дыру планын үтәде­ләр, 13е – планны арттырып үтәде. Моның өчен авыл җирлекләре башлыкларына һәм почта хезмәткәрләренә аерым рәхмәт. Әмма моның белән беррәттән, шәһәрдә абунә кампаниясе көтелгән нәти­җәне китермәде, югый­сә почтальоннар булдыра алганча тырышсалар да.

Без абунә кампания­се­нең 2023 елдагы I ярты ел­лыгына йомгак ясап, Тә­теш районындагы барлык җитәкчелеккә һәм шәхсән район башлыгы Рәмис Сафиулловка, “Колос” агрофирмасы һәм “Р. Г. Сафиуллова” КФХ җитәкчесе Рима Сафиулловага, “Нур” агрофирмасы генераль директоры Радик Нургалиевка, “И. С. Казаков” КФХ җитәкчесе Илья Казаковка, “Татарстан” авыл хуҗалыгы җитәкчесе Айрат Халитовка, эшкуарлар Рәмзия Рәфыйковага, Рифат Вәлиевка, Алексей Карповка, Кече Әтрәч авылы мәдәният йорты директоры Хәлил Магсумовка һәм башкаларга ярдәм күрсәткәннәре өчен ихлас рәхмәтебезне белдерәбез. Якташыбыз Фиргать Җи­һан­­шинга барлык мо­би­лизацияләнгән т­әтеш­ле­ләрнең гаиләләренә һәм сәламәт­лекләре буенча мөм­кин­­лек­ләре чик­ле балалар тәрбияләнүче гаиләләр­гә “Тәтеш таң­на­ры”/“Авангард” газетала­рын рәсмиләштергән өчен чын күңелдән рәхмәт әйтәбез.     

Без елны тәмамлап, район газетасын берничә еллар дәвамында тулы сос­тавта диярлек алдыручы коллективларны: Тәтеш ягы тарихы музее, РПФның Тәтеш районындагы клиентлар хезмәте бүлеге, Тәтештәге 1нче урта мәктәп, Олы Тархан, Килдеш, Богдашкино урта мәктәпләре, шәһәрдәге “Әкият”, “Башаккай”, “Ми­ләшкәй”, “Каенкай” балалар бакчалары (авыллардагы балалар бакчаларына да), ТР буенча Рос­потребнадзор Идарәсенең Тәтеш районы территориаль бүлеге, ТРның Тәтеш районындагы гигиена һәм эпидемиология үзәге, Тә­тештәге картлар һәм инвалидлар интернат-йорты, мәдәният учреждениеләре, халыкны социаль яклау бү­ле­ге, “Барс” спорт-сәла­мәт­­ләндерү комплек­сы хез­­­мәткәрләренә аерым бер хөрмәт һәм рәхмәте­без­не җиткерәбез. Тәтеш үзәк район хастаха­нәсе полик­линикасы, Тәтеш райо­ны­ның эчке эшләр бүлеге, ба­лалар сәнгать мәк­тәбе кол­лектив­лары­ның район газетасын беренче тапкыр оешкан рә­веш­тә яздыруларын да билгеләп үтәсе килә.  

Хөрмәтле укучылар, әгәр ниндидер сәбәп­ләр аркасында “Тәтеш таң­нары”н һәм “Аван­гард”­ны 2023 елның I ярты еллыгына яздырырга өлгерми калгансыз икән, газетаны гыйнвардан безнең редак­циядә сатып алырга була.  

Хөрмәтле укучылар! 

Без сезне якынлашып килүче 2023 ел белән чын күңелдән котлыйбыз! Ул һәркайсыгызга бары тик шатлыклы хәбәрләр генә алып килсен! Газетаның 105 еллыгында безнең белән калганыгыз өчен рәхмәт!
Сезнең “Тәтеш таңнары”

Реклама АО ТАТМЕДИА

16+