Карарлар кабул ителде, нәтиҗәләр ясалды

(Тәтеш, 3 май, «Тәтеш таңнары», Инга Сәфәрова, Мәдинә Ибәтуллина коллажы). Инна Владимировна үзенең докладында килгән мөрәҗәгатьләрне, тикшерү чараларының нәтиҗәләрен, “Халык контроле” ДМС мәгъ­лүматларын карауга го­муми йомгак ясады.

“Тәтеш муниципаль районы буенча медицина хезмәте күрсәтү (ташламалы дару препаратлары белән тәэмин итү, табибка язылу), социаль тәэмин итү (тернәкләнүгә техник акча алу), торак мәсьәләсе буенча, җир, хезмәт кануны һәм гражданлык алу белән бәйле мөрәҗәгатьләр килде. “Халык контроле” дәүләт мәгълүмати системасы аша тәтеш­леләрдән нигездә төзекләндерү буенча хәбәрләр килде. Барлык мөрәҗәгатьләр буенча җаваплы затлар белән берлектә кирәкле эш уздырылды”, – дип аңлатма бирде Инна Гавчева. 
Үткән елны иҗтимагый ярдәмче тарафыннан райо­ныбыз территориясендә ур­нашкан балалар сәламәтләндерү лагеренә мониторинг, сәламәтлекләре буенча мөм­­кинлекләре чикле затлар белән аларның сайлау участокларына керә алу мониторингы, район оешмаларында хезмәт хакын вакытында түләүгә, белем бирүгә кеше хокукларын тормышка ашыруга анализ уздырылган.

Инна Гавчева тарафыннан шулай ук районда яшәүчеләрнең торак хокукларын үтәү анализланды.

“Тәтеш районында 2018 ел эчендә 10 мең квадрат метрдан артык торак тапшырылды. “Авыл территорияләрен ныклы үстерү” программасы буенча 9 гаилә үзләренең торак шартларын яхшыртты. Торак шартларын яхшыртуга мохтаҗ булган хәрби хәрәкәтләрдә катнашучыга федераль бюджет акчасы хисабына субсидия бирелде. МКД капиталь ремонт программасы буенча 6 йорт ремонтланды, барлык эшләр 100 процентка башкарылды”, – диде иҗтимагый ярдәмче.

Инна Владимировна, иҗтимагый ярдәмче сыйфатында үзенең узган елгы  эшчәнлегенә нәтиҗә ясап, болай дип билгеләп үтте:

“Барлык мөрәҗәгатьләр буенча карарлар кабул ителде һәм нәтиҗәләр ясалды, алар безнең районда кешеләр һәм гражданинның дәүләт хокук­ларын, иреген һәм законлы мәнфәгатьләрен яклауга өстәмә гарантия белән тәэмин итү мөмкинлеген бирә”.