Һөнәренә тугры

(Тәтеш, 10 июнь, “Тәтеш таңнары”). Александр Дубровскийның тормышы – үз эшенә тугрыхезмәт итүнең матур үрнәге.

Ул тумышы белән Чуашия­нең Ядрин шәһәреннән, 70нче еллар башында  Казан медицина институтын тәмамлаганнан соң Тәтешкә килә һәм хезмәт юлын табиб-оториноларинголог вазифасында, дәвалау буенча баш табиб урынбасары буларак башлап җибәрә. Аннары Александр Владимирович 20 елга якын район хастаханәсенә җитәкчелек итә. Кешеләрдә абруй казанган табиб 11нче чакырылыш РСФСР халык депутаты булып сайлана (1990-1995 ел). Аның инициативалары ярдәмендә район хастаханәсе авылның сәламәтлек саклау өлкәсендә алдынгы тәҗрибә нигезе була. Матди-техник база ныгый: хастаханәнең төп корпусы, хуҗалык блогы, поликлиника, аналарны һәм балаларны саклау үзәге төзелә, авылларда берничә фельдшер-акушерлык пунктлары ачыла.

Туксанынчы еллар башында бездә бердәнбер проект тормышка ашырыла – районның авыл кешеләрен медицина ярдәме белән тәэмин итүдә  гаилә табибы тәҗрибәсен әзерләү һәм кертү. Россия авылларының сәламәтлек саклау өлкәсендә тәтешлеләр беренче булып Олы Тархан участок хастаханәсе базасында авылда гаилә табибының төркемләп эшләү тәҗрибәсе (гомумтәҗрибә табибы) башлана. 

“Беренчеләрдән, ассызык­лап әйтәм, Татарстанда гына түгел, шулай ук Россиядә дә кешеләрне күмәк медицина тикшерүе башланды. Медицина учреждениеләре эшчәнлеге тәҗрибәсендә яман шеш авыруларын визуаль җәелдермәүне иртә чорда ачык­лауның методик күрсәтмәләре эшләнелде һәм кертелде, – дип уртак­лаша Александр Владимирович, сәламәтлек сак­лауда әлеге алгарышны үзенең һөнәри эшчәнлегендә төп казанышларның берсе дип санап. – Безнең медиклар 1990 – 2000 елларда үз хезмәттәшләренең, Тәтеш земский табиб­ларының, тәҗрибәсен кабатлап, профилактика, авыруларны үз вакытында дәвалау максатында диспансеризация үткәрү мәҗбүрилеген расладылар”.

Тәтеш үзәк район хастаханәсе белгечләренең тәҗ­рибә эшләре “Татарстан Республикасында­ авыл ке­шеләренең сә­ла­мәтлеге”­ Рес­публика максатчан прог­­раммасын булдыруда башлангыч нокта булды.
Республиканың сәламәтлек саклау өлкәсенә керткән өлеше өчен Александр Дубровский Татарстан Рес­публикасы һәм Россия Фе­дерациясенең атказанган табибы  дип танылды, техника һәм фән өлкәсендә Татарстан Республикасының Дәүләт премиясе лау­реаты, күп кенә дәүләт бүләкләренә лаек булды. Республика сәламәтлек сак­лау өлкәсендә мактау­лы ветеран, Тәтеш муниципаль районының мактаулы гражданины  бүген дә үзенең яраткан эшендә. Александр Владимировичның зирәклеге, бәяләп бетергесез тәҗрибәсе хезмәттәшләре тарафыннан юга­ры бәя­ләнә. “Оста оештыручы, республиканың медицина тармагында танылган кеше, көч-кодрәте бар, инициативалы, җавап­лы. Әле тагын Александр Владимирович тө­гәл, игелек­ле, ярдәмчел ке­ше, кызыклы һәм тапкыр сүзле әңгәмәдәш”, – диләр хезмәттәшләре.

Казанда “Ел табибы-Ак чәчәкләр-2018” Рес­­публика бәйгесендә җи­­­ңүчеләрне бүләкләү тан­­танасы узды. Алек­­сандр Дубровский туг­рылык, намуслылык, яшь буынга патриотик тәрбия биргән өчен “Сә­ламәтлек сак­лау легендасы” номинациясендә  җи­ңүче булды.