Район башлыгы Рәмис Сафиуллов Тәтеш районында яшәүчеләрне бәйрәм белән котлый

Район башлыгы Рәмис Сафиуллов Тәтеш районында яшәүчеләрне Татарстан Республикасы Конституциясе көне белән котлый: 

6 ноябрь – республикабыз тарихында мөһим даталарның берсе. Бу көнне Татарстан Конституциясе кабул ителде.  
Конституциядә билгеләнгән кагыйдәләр ярдәмендә безнең республика яши һәм үсеш ала, аңарда милләтара һәм конфессияара тынычлык, гражданлык килешүе ­саклана. 

Татарстан Республикасы Конституциясе көне – бер тарихи язмышы һәм уртак киләчәге булган бердәм халык икәнлегебезне искә төшерүче бәйрәм. 

Сезгә сәламәтлек, бәхет, җитешлек һәм иртәгәге көнгә ышаныч телим!