Рәмис Сафиуллов районның ветеринария хезмәте ветераннарын һәм хезмәткәрләрен һөнәри бәйрәмнәре белән котлый

(Тәтеш, 31 август, «Тәтеш таңнары»). Район башлыгы Рәмис Сафиуллов районның ветеринария хезмәте ветераннарын һәм хезмәткәрләрен һөнәри бәйрәмнәре белән котлый:

– Ветеринария хезмәте агросәнәгать комплексының уңышлы үсешенә мөһим йогынты ясаучы булып тора. Сез үзегезнең көндәлек хезмәтегез белән хайваннарның сәламәтлеген саклауны тәэмин итәсез һәм кешеләрне куркыныч чирләрдән чикләп, терлекчелек продукцияләрен тикшереп, аларның сәламәтлек сагында торасыз. 

Районның ветеринария хезмәтендә һөнәри осталыклары, үз эшләренә тугры булулары, заманча шартларда эшли белүләре белән аерылып торган кешеләр хезмәт куя.

Сезгә ихлас күңелдән эшегездә уңышлар, нык сәламәтлек, рух күтәренкелеге һәм иртәгәге көнгә ­ышаныч телим.