Рәмис Сафиуллов Тәтеш районында яшәүче хатын-кызларга мөрәҗәгать итә

(Тәтеш, 1 март, “Тәтеш таңнары”).  Район башлыгы Рәмис Сафиуллов Тәтеш районында яшәүче хатын-кызларга мөрәҗәгать итә:
– Илнең дәүләт бәйрәмнәре календарендә фәкать хатын-кызларга гына багышланган көн булуы искиткеч. Бу – барлык әниләргә, хатыннарга, әбиләргә рәхмәт әйтү, аларның зирәклеген, аңлавын һәм яхшылыгын тиешенчә күрсәтә алу мөмкинлеге булган көн. Йорт җылысын саклау, балалар тәрбияләү, гаиләдә иминлек һәм уңайлылык булдыруны кайгырту нәкъ тә ­хатын-кызлар җилкәсенә төшә. 

Сезгә чын күңелдән ныклы сәламәтлек һәм бәхет телим. Якыннарыгыз һәм дусларыгыз сезгә гадәти көннәрдә дә, бәйрәмнәрдә дә игътибар күрсәтсеннәр иде. Сезнең тормышыгызда һәрвакытта мәхәббәт һәм хөрмәт, гаилә татулыгы һәм җитешлек булсын.