Рәмис Сафиуллов: Бүген - Тәтеш районындагы барлык мәктәпләрдә соңгы кыңгырау бәйрәме

Бүген - Тәтеш районындагы барлык мәктәпләрдә соңгы кыңгырау бәйрәме

Хөрмәтле чыгарылыш сыйныф укучылары, ата-аналар, укытучылар!

Мәктәпне тәмамлау - һәр кеше тормышында мөһим вакыйга. Сез барыгыз да, чыгарылыш сыйныф укучылары, мөстәкыйль, олы тормышка юл аласыз.

Алда - имтиханнар тапшыру җаваплылыгы һәм алга таба дөрес юл сайлау максаты тора. Сезнең алда үзегезнең сәләтегезне күрсәтү өчен зур мөмкинлекләр ачыла!

Кадерле чыгарылыш сыйныф укучылары! Сезгә билгеләнгән планнарыгызны тормышка ашыруда уңышлар, сәламәтлек, бәхет телим! Хәерле сәгатьтә!

Тәтеш муниципаль районы Башлыгы  Р.Х. Сафиуллов