Рәмис Сафиуллов Тәтеш районының массакүләм мәгълүмат чаралары, полиграфия хезмәткәрләренә һәм ветераннарына мөрәҗәгать итә

(Тәтеш, 19 май, “Тәтеш таңнары”).

Тәтеш районы башлыгы Рәмис Сафиуллов Тәтеш районының массакүләм мәгълүмат чаралары, полиграфия хезмәткәрләренә һәм ветераннарына мөрәҗәгать итә:
– Районыбыз тормышын төрле яклап мәгълүмат белән яктыртуга зур өлеш керткән “Авангард” газетасы редакциясе һәм полиграфия хезмәткәрләренә, ветераннарына тырыш, иҗади хезмәтләре өчен һөнәри бәйрәмнәрендә чын күңелдән рәхмәт белдерәм. Матбугат өлкәсендә күп еллар дәвамында нәтиҗәле хезмәт куйган ветераннарга хөрмәт һәм рәхмәт сүзләрен җиткерәм.
Һөнәри бәйрәмегез көнендә сәламәтлек, иҗади эзләнүләрдә армый-талмый хезмәт куюыгызны, иҗат чишмәгезнең ташып торуын, алгарыш телим!