Савым көтүенең продуктлылыгын арттырырга

(Тәтеш, 10 февраль, “Тәтеш таңнары”).

Аның эшендә район башлыгы Рәмис Сафиуллов, районның авыл хуҗалыгы һәм азык-төлек идарәсе белгечләре, райондагы хуҗалыкларның җитәкчеләре һәм зооветеринария белгечләре катнашты. 

Чараның гамәли өлеше товарлыклы-сөтчелек фермасында узды. Киңәш­мәдә катнашучылар терлекчелек биналарын, ветеринария пунктын, сөт­челек лабораториясен карадылар. Районның баш ветеринария табибы Рәмис Гарипов аларны 6 айга кадәрге яшь малларны үстерү технологиясе белән таныштырды. Районның авыл хуҗалыгы һәм азык-төлек идарәсе начальнигы Ирек Садриев катнашучыларга күп сөт бирүче сыерларны ашату һәм мөгезле эре терлекләрне асрауның нәтиҗәле технологияләре хакында сөйләде.      

– Терлекләрнең нинди шартларда асралуына, яшен билгеләүче тамгаларга карагыз, – диде ул, зооветеринария белгечләренең игътибарын юнәлтеп. – Яшь малларны асрау өчен ферма барлык хуҗалыкларда да булырга тиеш. Әгәр барыбыз да шулай эшли алсак, республиканың авыл хуҗалыгы һәм азык-төлек министрлыгы тарафыннан алга таба билгеләнгән  терлекчелек тармакларында үсеш тә, планлы күрсәткечләргә ирешү дә булачак.      

Семинарның Киртәле авылы мәдәният йорты бинасында узган теоретик өлешендә терлекчелек тармагындагы хезмәт нәтиҗәләре анализлан­ды. Авыл хуҗалыгы предприя­тиеләрендәге икътисади нәтиҗә­лелек­нең төп күрсәткеч­ләре – сөт савы­мы, тере авырлыктагы артым, терлекләрнең баш саны каралды.  

Чакырылган белгечләр семинарда катнашучыларны көтүлекне яңадан булдыру буенча тәкъдимнәр, терлекчелек тармагын заманча алып бару һәм азык культураларын үстерү технологияләре белән ­таныштырдылар.   

Район башлыгы Рәмис Сафиуллов хуҗалык­лар­дагы һәр җитәкченең сөт җитештерү, туендырылган азык, чәчүлек, минераль ашламалар сатып алу турындагы отчетын тыңлады, ачы туфракны известь­ләү кирәклеге турындагы мәсьәлә тикшерелде.   

– Әгәр хуҗалыкларда ачы туфраклы җирләр бар икән, никадәр генә ашлама кертсәгез дә, аннан яхшы уңыш көтеп булмый, – дип басым ясады Рәмис Хатыйп улы. – Һәркемдә проблема бар. Иске техникада әллә ни ерак китеп булмый, яңарту зарур. Туфрак эшкәртүче техника һәм югары технологияле ­комбайннар, чәчү комплекслары, чәч­кечләр алырга кирәк. Бу чәчүне дә, игеннәрне дә, бик кыйммәтле шикәр чөгендерен җыеп алу вакытын да кыскартачак. Өстәвенә 30 проценты һәм НДС кире кайтарыла. Сортларга аеруны җайга салырга, бары тик югары уңыш бирә торганнарын гына сайлап алырга кирәк. Ашламаларны туп­лау – катгый контрольдә, вакыт тиз уза, чәчүгә дә озак калмады, чираттагы бәяләр артуын көтмәгез. Хезмәтне дөрес оештыру турында  искә төшерәм, аның барышы төгәл итеп җайга салынган булырга тиеш. Салымнарны вакытында түләргә онытмагыз. Мондый җентекле сөйләшү сезнең җаваплылыкны арттырырга тиеш. Уҗымнарга җирнең туңып эрегән һәм тармакланган вакытларында кимендә 300 килограмм аммиак селитрасын ваклап кертергә кирәк. Чәчүлекләрне гербицидлар белән эшкәртергә һәм ике тапкыр фунгицидлар, инсектицидлар белән эшкәртергә, кимендә өч тапкыр яфрактан өстәмә тук­ландыру үткәрергә кирәк. Шул чакта сез өчен­че класс­лы бодай алачаксыз.        

Семинар ахырында Рә­мис Сафиуллов райондагы җитәкчеләргә һәм зоо­ветеринария белгеч­ләренә савым көтүлегенең продуктлы­лыгын арттыру, җитештерү күрсәт­кечләрен киметүгә юл куймау, савым көтүлегенең продуктлылыгын һәм яшь малларның тәүлеклек артымын арттыруга  игътибарны юнәлтү мәсь­әләсен җентекләп өйрә­нүгә йөкләмә бирде. Тер­лекчеләр алдына шулай ук  3 – 4 ел дәвамында районда малларның баш санын 6 мең сыерга кадәр җиткерү  буенча озак вакытлы бурыч куелды.