Солтан Яруллин: “Олимпияче булу хыялыннан беркайчан баш тартмаячакмын”

(Тәтеш, 21 гыйнвар, “Тәтеш таңнары”, Лина Тихонова) Тәтеш шәһәрендә май аенда  беренче тапкыр стендка ату буенча Россиянең команда чемпионаты, ир-егетләр һәм хатын-кызлар арасында стендка ату буенча Бөтенроссия ярышлары узачак. 

Әлеге узышлар Халыкара ярышларга сайлап алу этап­ларының берсе булып тора, нәкъ тә шуңа күрә анда ­Россия Федерациясенең көчле мәргәнчеләре катнашачак. Мондый дәрәҗәдәге спорт чараларын үзебездә кабул итү – Татарстан һәм безнең район өчен зур дәрәҗә, зур җаваплылык. Спортчылар өчен дә, җанатарлар өчен дә уңайлы шартлар булдыру һәм ­Россия чемпионатын лаеклы кабул итү өчен, аны оештыру ­буенча киң күләмле эшләр алып барыла.

Стендка ату буенча ­Россия чемпионаты ал­дыннан, га­зета ­уку­чылары­бызны районыбызны, рес­публикабызны, илне таныткан, үзләренең гомерләрен стендка атуга багышлаган спортчылар белән ­таныштырабыз.

Солтан Яруллин: “Олимпияче булу хыялыннан беркайчан баш тартмаячакмын”
Тәтешнең стендка ату мәктәбенә нигез салган Солтан Яруллин Тәтештәге малайлар һәм кызларны тәрбияләүгә чирек гасыр гомерен 
багышлаган. 

Солтан Сөнгатулла улы 1914 елның 25 июлендә Казан губерниясе Лаеш өязенең Агайбаш авылында туган. 1937 елда Ленинградтагы артиллерия училищесын тәмамлаган.

Бөек Ватан сугышында катнашкан, подполковник исемендә запаска киткән хәрби 1955 елдан тренер булып эшләгән.
Татсоветның “Уңыш” ДСО ярдәмендә Тәтештә стендка ату буенча махсуслаштырылган балалар-яшүсмерләр спорт мәктәбен оештырган, аңа 1961 елдан алып 1986 елга кадәр җитәкчелек иткән. 

Солтан Сөнгатулла улы бик яхшы спортчы да, әле тагын оста җитәкче дә, гаҗәеп педагог-новатор да булган. Эшен нульдән диярлек башлап, тарафдарлары ярдәмендә ул хәзерге мәктәпнең ныклы нигезен булдыруга ирешкән.

Тәтештә стендка ату буенча беренче район ярышлары 1961 елда уздырылган, ә инде 1965 елда ике спортчы “СССРның спорт мастеры” дигән исемгә лаек булган. 

Тәтеш мәр­гәнче­ләре командасының 1963 елда Профсоюзларның бөтенсоюз үзәк советы Беренчелегендә өченче урын алуы чираттагы казанышы булган.

Тәтешлеләр Россия Чемпионатында Татарстанның җыелма командасы чемпионы исемен яулагач үзләре турында җитди рәвештә күрсәтә алганнар. “Совет спорты” газетасы үзенең күзәтүендә шундый карар чыгарган: “Россиянең стендка ату буенча күп санлы үзәкләреннән, асылда, Тәтештә “Урожай” ДСО гына чын-чынлап эшли...”

Безнең стендка ату спорт мәктәбе өчен 70нче еллар халыкара дәрәҗәдәге җиңү белән әһәмияткә ия.

Ленин, Кызыл Байрак, Кызыл Йолдыз орденнары кавалеры Солтан Яруллин үзенең шә­кертләренең алдынгы спорт казаныш­ларында торып, тренерларның ныклы командасын булдырган, аларга бәяләп бетергесез тәҗрибә биргән. ­Ул җиңел юллар эзләмәгән, тәр­бия­ләнүчеләрне кыенлыкларны җиңәргә, мишеньгә төгәл  тидерергә һәм җиңәргә өйрәткән.

СССРның атказанган тренеры зур уңышларга ирешкән бер төркем спортчыларны тәрбияләгән, алар арасында – стендка ату буенча беренче спорт мас­терлары, дөнья һәм Европа чемпионнары бар.

Солтан Яруллин 1998 елның 13 мартында вафат булган.

2000 елда Тәтештәге бер урам Яруллин исеме белән атап йөртелә башлаган.

Вафатыннан соң аңа 2001 елда “Тәтеш районы һәм Тәтеш шәһәренең Мактаулы гражданины” дигән исем бирелгән.

– Солтан Сөнгатулла улы нигез салган иң яхшы традицияләр бүгенге көнгә кадәр укытучыларыбызда, тәр­бияләнүчеләребездә саклана, – дип уртак­лашты Тәтешнең стендка ату мәктәбе җитәкчесе Андрей Кушагин. – Хәзер дә без аның девизына иярәбез: “Минем көндәлегемнең вакыты чикләнмәгән һәм йөрәгемдә стенд Уставы мәңгелеккә булсын иде, мин олимпия­че булу хыялыннан беркайчан да баш ­тартмаячакмын”.