Сораштыру: Прививка ясатмаучыларның 26 проценты эшен саклап калу хакына вакцинация узарга әзер

(Тәтеш, 26 октябрь, “Тәтеш таңнары”). Прививка ясатмаган татарстанлыларның 26 проценты эшен саклап калу яки эшкә урнашу өчен вакцинация узарга әзер. Өстәвенә, прививка ясатырга әзер булган ир-атлар хатын-кызларга караганда күбрәк. Сату өлкәсендә эшләүчеләр арасында эш урынын саклап калу хакына вакцинация узарга теләүчеләр аеруча күп.

Шуңа да карамастан, hh.ru сервисы тарафыннан үткәрелгән сораштыру нәтиҗәләреннән күренгәнчә, респондентларның 64 проценты мәҗбүри вакцинация кертүгә карата тискәре мөнәсәбәттә тора. 
https://tatar-inform.tatar/news/health/26-10-2021/privivka-yasatmauchylarny-26-protsenty-eshen-saklap-kalu-hakyna-vaktsinatsiya-uzarga-zer-5841875