Тәтеш районы башлыгы Белем көне һәм яңа уку елы башлану белән котлый

(Тәтеш, 1 сентябрь, «Тәтеш таңнары»). Тәтеш районы башлыгы Рәмис Сафиуллов укучыларны һәм укытучыларны, студентларны һәм мөгаллимнәрне, укучыларның ата-аналарын Белем көне һәм яңа уку елы башлану белән котлый:
– Сентябрьнең беренче көне – уртак бәйрәм, аны балалар да, өлкәннәр дә дулкынлану хисләре белән каршылый.

Хөрмәтле мәктәп укучылары һәм студентлар! Яңа уку елы сезгә яңа белемнәр һәм мавыктыргыч ачышлар алып килсен, ә беренче сыйныфларның белемгә юлы якты һәм шатлык­лы булсын. 

Укытучыларга аерым рәхмәт сүзләре белдерәм. Сезнең алда мөһим һәм җаваплы бурычлар тора – һәр укучының сәләтен ачу, лаек­лы буын тәрбияләү. 

Яңа уку елы һәркем өчен кызыклы һәм нәтиҗәле булсын, яңа ачышлар һәм казанышлар сөенече алып килсен! Бәхет, сәламәтлек, алга таба укуда һәм хезмәттә уңышлар юлдаш булсын!