Тәтеш районы башлыгы сугыш һәм хезмәт ветераннарын, өлкән буын вәкилләрен котлый

Тәтеш районы башлыгы Рәмис Сафиуллов сугыш һәм хезмәт ветераннарын, өлкән буын вәкилләрен котлый:

– Сез озын гомер юлы узган кешеләр. Өлкән буынга илебезнең шанлы үткәне китаплардан һәм фильмнардан башка да мәгълүм. Шуңа күрә өлкәннәрнең яшәештәге иң бай тәҗрибәсе, акыллы киңәшләре яшьләр өчен тормышка юллама һәм үзенә бер төрле фатиха булып тора.
Районыбыз җитешлегенә сезнең тарафтан нигез салынган. Сез халык хуҗалыгын төзедегез, балалар һәм онык­ларыгызны олы мәхәббәт хисләрендә тәрбиялисез.  

Сезнең кайберләрегез бүгенге көндә дә, үзегезнең көч һәм сәламәтлек мөмкинлегеннән чыгып, туган якның чәчәк атуы өчен хезмәт куя.
Сезгә сәламәтлек, имин һәм бәхетле озын гомер телим.