Тәтеш районы башлыгы туризм тармагындагы хезмәткәрләрне, һөнәр ияләрен, һәвәскәрләрне һәм туризм хезмәтен башкаручыларны котлый

Тәтеш районы башлыгы Рәмис Сафиуллов туризм тармагындагы хезмәткәрләрне, һөнәр ияләрен, һәвәскәрләрне һәм туризм хезмәтен башкаручыларны котлый:

– Бөтендөнья туризм көне – туристлык өлкәсендә эшләүчеләрнең һәм сәяхәт итәргә яратучыларның барысын да берләштерүче бәйрәм. 

Туризм тармагы белән бәйле кешеләрнең киеренке һәм иҗади хезмәте нәтиҗәсендә районыбызда кунакчыллык һәм киң күңеллелек мохите булдырылды.
Кызыклы идеяләр һәм яңа маршрутлар барлыкка килә, инфраструктура үсеш ала, туристлар агымы арта.

Туризм өлкәсендә эшләүче барлык белгечләргә нык сәламәтлек, уй-теләкләрен һәм башлангычларын уңышлы гамәлгә ашыруларын, кыю ачышлар, эшләрендә уңышлар, ә сәяхәтләрне яратучыларга – кызыклы яңа маҗаралар һәм онытылмаслык мизгелләр телим.