Тәтештә «Дус сыйныф серләре» дигән ата-аналар комитетлары конкурсының район этабы узды

(Тәтеш, 19 январь, “Тәтеш таңнары”). Тәтештә «Дус сыйныф серләре» дигән ата-аналар комитетлары конкурсының район этабы узды, анда шәһәрдәге 1нче һәм 2нче урта мәктәпләрнең, татар урта мәктәбенең һәм Богдашкино мәктәбенең ата-аналар комитетлары катнашты. Конкурс, гадәттәгечә, район мәдәният йорты фойесында оештырылган казанышлар күргәзмәсе белән башланып китте. Сәхнәдә һәр команда берничә номер тәкъдим итте, алар ата-аналар комитетларының эшен, балалар, ата-аналар һәм педагогларның үзара бәйләнешен ачык итеп күрсәтеп бирделәр.

Барлык катнашучылар да конкурска җитди карадылар. Алар ярдәмендә тамашачылар Тәтеш районында яшәүче халыкларның милли гореф-гадәтләре турында белделәр һәм чираттагы тапкыр мәктәп тормышының күп вакыйгалар белән тулы булуына инандылар.

Конкурс нәтиҗәләре буенча Тәтештәге 1нче мәктәп командасы җиңүче булды, икенче урынны Тәтеш татар урта мәктәбе вәкилләре алды, өченче урынны Тәтешнең 2нче урта мәктәбе һәм Богдашкино мәктәбе командалары бүлеште.

Җиңүчеләр Тәтештә узачак "Дус сыйныф серләре" конкурсының зона этабында безнең районны тәкъдим итәчәк.