Төп приз – телевизор Олы Тарханга китте
Матур гадәт буенча һәр ярты еллыкта гәҗитебезнең баш мөхәррире Инга Сәфәровадан призлар уйнату уздырабыз.
(Тәтеш, 3 июль, "Тәтеш таңнары"). Әлеге вакыйганы гәҗит укучылар да, редакция хезмәткәрләре дә көтеп ала.
Һәм бу көн җитте: шушы арада бүләкләр оттыру үткәрелде, анда безнең гәҗитләрне 2020 елның икенче ярты еллыгына яздыручылар һәм редакциягә квитанция күчермәсен китерүчеләр яисә электрон почта аша җибәрүчеләр, шулай ук безнең альтернатив абунәчеләребез катнашты.
Бүләкләр уйнатуда барлыгы 263 абунәче катнашты. Призлар уйнатуны үткәрә торган комиссия составына редакция хезмәткәрләре генә түгел, шулай ук абунәчеләребез дә керде. Бу ярты еллыкта Ольга Андрианова иде, ул бүләк уйнатуда катнашучыларның исемнәре язылган купоннарның язмышын хәл итте дә инде. Аның ярдәмендә бәхетлеләр ачыкланды. Аларның исемнәрен игълан итәбез. Иттарткычны тәтешле Валентина Драгунова отты, ә мантый пешерү җайланмасын – тәтешле Зоя һәм Михаил Гореловлар.
Электр чәйнеге Дилбәр Арслановага безнең гәҗитне искә төшереп торачак.
Матур салат савытларын Бакырчыдан Гөлшат Әбделвәлиева белән тәтешле Светлана Маханова алды. Вазалар Олы Тарханнан Алисә Хәмидуллинаны сөендерәчәк. Кухня контейнерлары Бидәңгедән Флера Измайловага хезмәт күрсәтәчәк. Быел иң төп, иң зур бүләк телевизор булды. Супер-призга ия булучы кем икән соң? Бу юлы бәхет Олы Тарханнан Даһия Бускинага елмайды.
Призлар уйнату барышын гәҗитебез сайтында һәм социаль челтәрдәге безнең төркемнәрдә видеоязма рәвешендә карый аласыз. Ота алмаучыларга күңелләрен төшермәскә киңәш итәбез. Сезнең инде төп отыш бар – атнага ике тапкыр район гәҗитен алачаксыз.
Следите за самым важным и интересным в Telegram-каналеТатмедиа
Нет комментариев