Тәтеш районы башлыгы районның урман хуҗалыгы хезмәткәрләренә һәм ветераннарына мөрәҗәгать итә

(Тәтеш, 19 сентябрь, Тәтеш таңнары). Тәтеш районы башлыгы Рәмис Сафиуллов районның урман хуҗалыгы хезмәткәрләренә һәм ветераннарына мөрәҗәгать итә: 
– Урман – районыбызның төп бай­лыкларының берсе, бәяләп бетергесез табигать бүләге. Безнең һәм киләчәк буынның сәламәтлеге дә, аның нинди хәлдә булуына бәйле.
Районыбызның урман хуҗалыгы хезмәт­кәрләре – кешеләр һәм табигать алдында үзләренең һөнәри бурычларын тугры үтәүче  белгечләр. Сезгә фидакарь хезмәтегез һәм үз эшегезгә туг­ры булганыгыз өчен рәхмәт белдерәм. Сезгә һәм сезнең гаиләләрегезгә чын күңелдән барлык башлангычларыгызда уңышлар, сәламәтлек, бәхет һәм җитешлек ­телим.