Тәтеш районы башлыгы районыбызда яшәүче хатын-кызларга мөрәҗәгать итә

(Тәтеш, 28 ноябрь, “Тәтеш таңнары”). Тәтеш районы башлыгы Рәмис Сафиуллов районыбызда яшәүче хатын-кызларга мөрәҗәгать итә:

– Әниләр көне – ул мәхәббәт, игелек һәм мәрхәмәтлелекне гәүдәләндергән хатын-кызларга олы хөрмәт белдерү, әниләребезнең безнең хакка башкарган хезмәтләре өчен үзебезнең ихтирам һәм чиксез рәхмәт хисләрен җиткерү өчен бик матур сәбәп.
Балаларыгыз сезнең өметләрегезне акласыннар, үз казанышлары белән сезне сөендерсеннәр,  кайгыртучанлык һәм игътибар күрсәтсеннәр иде. Сезгә һәм якыннарыгызга сәламәтлек, бәхет телим, өйләрегездә һәрвакыт тынычлык, иминлек һәм җитешлек булсын!