Тәтештә Кооперацияләрне нәтиҗәле үстерү атналыгы узды

(Тәтеш, 12 март, "Тәтеш таңнары", Николай ПЛОТНИКОВ).  Тантаналы ча­раны ачу­да рай­он башлыгы Рәмис Сафиуллов, ТР Авыл хуҗалыгы һәм азык-төлек минис­тры урынбасары Ри­шат Хәбипов, республиканың муни­ципаль район җи­тәк­челәре, авыл җир­лекләре башлык­лары, эшкәр­тү оешмалары вә­кил­ләре, сәүдә һәм җәмәгать туклануы оешмалары, авыл ху­җалыгы пред­при­я­тиеләре, фер­­мер­лар, район­нардан әзер­ләүче­ләр кат­нашты. 

Министр урынбасары район  җитәкчелегенә киң күләмле чараны оештыруга мәйдан тәкъдим иткән өчен рәхмәт белдерде, аның максаты – дәүләт тарафыннан тәкъдим ителгән грантларда катнашу буенча авыл хуҗалыгы товарлары җитеш­терүчеләр­нең ак­тивлыгын арттыру. 

“Татарстан Респуб­ли­­касы үткән авыл хуҗалыгы елын уңыш­лы тәмамлады, би­редә фермерлык һәм шәхси ярдәмче хуҗалыкларның хезмәте аз түгел, чөнки продукцияләрнең я­ртысы нәкъ тә менә алар тара­фыннан җитештерелгән. Бу гаять зур резерв, аны эшләтергә һәм үстерергә кирәк. Кооператив берләшмәләргә кешеләрне, шәхси кресть­ян хуҗалыклары җитәкчеләрен һәм шәхси ярдәмче хуҗалыкларны мөмкин кадәр күбрәк җәлеп итәргә кирәк”, – дип басым ясады Ришат Рәшит улы. Ул кече төр хуҗалык итүне үстерү буенча дәүләт ярдәме чаралары турында сөйләде, быел билгеләнгән суммаларның барысы да сакланачагын, ә кайбер очракларда хәтта арттырылачагын хәбәр итте.  “ТРда авыл ху­­­җа­­лыгы коопера­ция­лә­­рен үстерү буенча компетенция­ләр үзә­ге” дәүләт бюджет учреждениесе директоры Илнур Хәбибуллин “Компетенция­ләр үзә­ге төрендә авыл эшкуарлыгын эшлек­ле озата бару системасы” дигән доклад белән чыгыш ясады. “Учреждениеләр хезмәткәрләре актив эшкуар­лык төркемнә­рен, кооперативлар­ны аларның партнерлары белән үзара ярдәмләшеп эшләүне ачыклау максаты белән күчмә чаралар оештыралар”, – диде ул.  

Авыл хуҗалыгы кооперацияләрен үс­терү буенча компе­тен­ци­я­ләр үзәге ди­рек­торы урынба­сары Ри­нат Мамаев тарафыннан аудито­рия белән уз­дырылган тре­нингта респуб­ли­каның уңышлы кооперативлар җи­тәкче­ләре үзләренең авыл хуҗалыгы производствосындагы эш тәҗрибәләрен ур­так­­лаштылар һәм интег­рацияләр алымы буенча хезмәттәшлеккә әзерлекле булуларын белдерделәр. 

Район мәдәният йортында 4 көн дәвамында, Тәтеш авыл хуҗалыгы техникумы базасындагы чарада катнашучылар товарлар җитештерү программалары буенча интерактив тре­­нинглар уздылар, оешмаларда хуҗалык кооперация­лә­­ре­­нең бухгалтерия­дәге яңа систе­масы, нәтиҗәле сәүдә итүнең заманча прог­раммалары бе­лән та­ныштылар, узара эшләү һәм ке­че төр хуҗалык итүне дәүләт ярдәме мәсь­ә­ләләре буенча түгәрәк өстәлдә фикер алыштылар. 

“Мөһим Кооперация­ләр­не нә­тиҗәле үс­терү ат­на­лы­гы шәх­си ярдәмче һәм крестьян-фермерлык хуҗалыкларына кооперативлар төзүгә этәргеч булыр, дип уйлыйм”, – диде райбашкарма комитет җитәкчесе урынбасары Ар­тем Абрамов.