Үз мөмкинлегеңә ышанырга кирәк

Аның максаты – мөм­кинлек­ләре чик­ле граж­даннарның проб­лема­ларын, аларның социаль һәм матди ярдәм буенча көнүзәк мәсьәләләрен хәл итүгә җәмәгатьчелекнең игътибарын җәлеп итү.  

Тәтеш районының социаль яклау бү­леге һәм ведомство карамагындагы учреждение­ләр тарафыннан зур эш үткәрелде. 

Авыл хуҗалыгы пред­прия­тиеләре җитәкчелә­ре авыл җирлекләрендә яшәүче сәламәтлекләре буенча мөм­кинлекләре чикле кешеләрне гомуми суммасы ярты миллион сумнан артык­лык бү­ләкләр белән тәэмин итте. 

“Үз игелекләрең белән бү­леш” акциясе кысаларында алтынчы чакырылыш ТР Дәү­ләт Советы депутаты Ләлә Кудерметова сәламәт­лекләрен­дә тайпылышлары булган инвалид балалар тәрбияләнүче җиде гаи­лә яшәгән йортка барды һәм аларга бүләкләр ­тапшырды.  

“Форпост” яшьләр оешмасы үзәге халыкка комплекслы социаль хезмәт күрсәтүче “Тәтеш балкышы” үзәгенең көндезге төрдә социаль хезмәт алучы төркемдәгеләр өчен бию флешмобы һәм алда торган бәйрәм – Яңа ел чыршысы символын ясау буенча мастер-класс оештырды.

Тәтеш районының халык мәш­гульлеге үзәге сәла­мәтлекләре буенча мөмкин­лекләре чикле затлар өчен махсус ва­кансияләр ярминкәсе үткәрде.    

Олы Шәмәктәге карт­­лар һәм инвалидлар интернат йортында тәр­бияләнүчеләр “Мә­дә­­ният волонтерлары” тәкъ­дим иткән концерт программасын карый алды, ә шәһәрдә яшәү­челәр, “Яңа гасыр” мәдәни-күңел ачу үзә­­генә килеп, “Дуслар ара­сында” балалар һәм яшьләр фестиваленең музыкаль кунакханәсен карап хозурландылар. Сәламәтлекләре буенча мөм­кинлекләре чикле балалар “Бик ерактагы бер патшалыкта” ди­гән әкияти сәяхәттә булдылар.

Район мәдәният йортында узган “Иске патефон көйләре” дип исемләнгән музыкаль ретро-кичәдә тәтешлеләр узган еллар мохитенә кайтып килде. 

Үзәк китапханәдә “Бө­тенроссия сукырлар җәм­гыяте”нең җирле оешмасындагы тәтешлеләр өчен “Мәрхәмәтлелек тамчысы белән күңелләрне җылытыйк” дигән игелек сәгате булып үтте.      

“Барс” спорт-сәла­мәт­ләндерү ­ком­­плек­сында сәламәтлекләре буенча мөм­кинлекләре чикле балалар һәм өлкән­нәр арасындагы фести­вальдә катнашучылар көчләрен, җитезлекләрен күрсәтә ­алдылар.

Инвалидлар ункөнлеге кысаларында райондагы уку йортларында сыйныф сәгатьләре, әңгәмәләр, акцияләр булды, мох­таҗ­ларга волонтерлык ярдәме күрсәтелде. 

Шәһәр мунчасында сигез кеше ташламалы юынудан ­файдаланды. 

Тәтеш районындагы оеш­­малар һәм учреж­дение­ләр “Уңайлы мохит” Тоталь тесты­ның гомумроссия акция­сенә ­кушылдылар.   

Тәтеш татар урта мәктәбе укучылары районның сукырлар җәмгыятенең социаль эшләрен оештыру хезмәткәре Екатерина Деревенская белән очрашты. Укучылар җәмгыять вәкилләре үткәргән проектлар һәм чаралар, сукырларга һәм күзләре начар күргән кешеләргә көндәлек тормышта ярдәм итү өчен нинди җайланмалар һәм технологияләр кулланылуы турында белделәр.

– Сәламәтлекләре буенча мөм­кинлек­ләре чикле кеше­ләргә карата игътибарлылык ункөнлек кысаларында гына ка­лырга тиеш түгел, аларга көн­дәлек тормышта да безнең кайгыртучан мөнәсәбәт булырга тиеш, – дип билгеләп үтте район башкарма комитеты җитәкчесе урынбасары Наталья Николаева.

фотоны “Форпост” яшьләр оешмасы үзәге тәкъдим итте