Ватанны саклаучылар истәлеген мәңгеләштерергә

Районның ветераннар советы рәисе Ольга Илларионова мәгълүматлары буенча, ТР ветераннар (пенсионерлар) Төбәк иҗтимагый оешмасының эш планы нигезендә, “Түгәрәк өстәл” буенча фикер алышуга һәйкәлләрне, Бөек Ватан сугышы ветераннары – һәлак булучылар, вафат булучылар һәм хәбәрсез югалганнар хөрмәтенә куелган обелискларны, шулай ук аларның һәйкәлләрен һәм җирләнгән урыннарын карау буенча акцияләр оештыру турындагы мәсьәләләр кузгатылды.  

– Җиңүнең 80 еллыгын бәйрәм итү уңаеннан юбилей тантаналары якынлашканда, алар 2025 елда узачак, төрле күп чаралар планлаштырыла, хәбәрсез югалучыларны эзләү һәм Бөек Ватан сугышында катнашучыларның истәлеген мәңгеләштерү эшләре бара. Безнең районда хәрби хәрәкәтләр булмаган, ләкин оборона корылмалары төзелеше барган, – дип хәбәр итте Ольга Михайловна. – Төзүчеләр арасында хәрби сугышчылар һәм бу эшләргә мобилизацияләнүчеләр дә булган. Ач-ялангач, салкын вакытлар булган, ә эшкә алар җиңел киемнән барганнар. Суыктан, авыр эштән һәм ачлыктан кешеләр һәлак булган. Безнең районда 12 җирләү урыны бар, алар Олы Тормы, Монастырский, Льяш авыл җирлекләре территорияләрендә урнашкан. Булган каберлекләрдән бары тик берсе генә төзекләндерелгән, бу Олы Тормы авыл җирлегендә, калган 11 каберлекне тәртипкә китерергә кирәк.     

Көмеш волонтер Анатолий Хохлов сугышчан җирләүләр булу уңаеннан үз эзләнүләре турында сөйләде. Аның мәгълүматлары буенча, кайбер һәлак булучыларның кабер ташларында туган һәм үлгән көннәре дөрес язылмаган. Ильинскида җирләнгән Мирон Пилиперның туганнарын эзләүгә аның алты ел вакыты киткән. Аның хезмәте нәтиҗәсендә Мәскәүдә ул оборона корылмаларын төзүченең туганнары белән очрашкан, һәм алар киләсе елның маенда яңа кабер ташы кую турында килешкәннәр. 

Чарага килүчеләр “Түгәрәк өстәл” барышында сугышта катнашучыларның истәлекләрен мәңгеләштерү буенча эшләрне ничек оештыру турында фикер алыштылар.  

– Безнең районга 12 меңнән артык Бөек Ватан сугышында катнашучыдан 8 меңгә якыны исән килеш кайткан. Бүгенге көндә шулардан сигез –сигез мең ярымы районыбыз территориясендә җирләнгән. Моның белән беррәттән аларның каберлекләренең торышы төрлечә, – дип басым ясады район башлыгы урынбасары Евгений Курков. – Инициатив төркем булдырырга, җирләнү торышын карарга, аларны төзекләндерү өчен нәрсә эшләргә кирәклеге турында уйларга кирәк. Кар капламы булгач, әлегә без ул урында була алмыйбыз, әмма әзерлек эшләрен чынбарлыкта башкару мөһим. Бөтен мәгъ­лүматны системага салырга кирәк.
Көмеш волонтер Олег Евсеев киләчәктә оборона корылмаларын төзүчеләргә мемориаль һәйкәл кую мөмкинме дигән сорауны бирде. Финанслау турында сүз кузгаткач, Евгений Гаврилович моны гамәлгә ашыру өчен иң ышанычлы төре ул – грант акчасы, дип белдерде. 

Утырыш нәтиҗәсендә, җирләү буенча юл картасы төзергә, аларга инвентаризация үткәрергә, аларны төзекләндерү өчен нәрсә эшләргә кирәклеген ачыкларга, смета төзергә һәм финанслау чыганакларын билгеләргә карар ителде.