Хәрби частьне сайларга мөмкин

(Тәтеш, 3 апрель, “Тәтеш таңнары”, Юлия Калинина).Тәтеш районы хәрби комиссары Фәнис Гарифуллин контракт килешүен ничек төзергә кирәклеге, хәрбиләр нинди түләүләр алуы һәм аларга нинди ташламалар бирелүе турында сөйләде.

– Хәрби хезмәткә бару гамәлләре гади. Нибары дүрт адым ясарга кирәк. Беренчесе: консультация алу өчен һәм үзең турында белешмә, вазифа, белгечлек, хезмәт итәргә теләгән төбә­к (шәхси рәвештә, телефон аркылы, Интернет аркы­лы, почтадан хат белән, дәү­ләт хезмәтләре аркылы) турында хәбәр итү өчен контракт буенча хәрби хезмәткә сайлап алу пунктына яисә яшәү урыны буенча хәрби комиссариатка мөрәҗәгать итәргә кирәк. Икенчесе: хәрби хезмәткә бару өчен документлар җыярга. Өченчесе: сайлау пунктының инструкторына контракт буенча хәрби хезмәткә алу турында гариза тапшырырга. Дүртенчесе: хәрби комиссариатта медицина тикшерүе узарга (медицина тикшерүен яшәү урыны буенча поликлиникада узарга).

Контракт буенча хәрби хез­мәткә баручы кандидатларга таләпләр бар: 18 яшьтән 60 яшькә кадәр булу, шулай ук хәрби табиб­лар комиссиясен узган һәм “А” төркемнәренең берсенә кергән (хәрби хезмәткә яраклы кеше) һәм “Б” төркемнәренә теркәлгән (аз гына чикләүләр белән хәрби хезмәткә яраклы кеше) затларга контракт буенча хезмәткә бару рөхсәт ителә.

Махсус хәрби операция уз­ды­рылган вакытта контракт 6 айдан алып төзелә. Беренче контракт 6 айга, 11 айга, 2 елга, 3 елга, 5 елга һәм аннан да күбрәк елга төзелә. Яңа контракт 6 айга, 11 айга, 1 елга, 2 елга, 3 елга, 5 елга һәм аннан да күбрәк елга төзелә.
Чит ил гражданнарына кон­тракт төзегәндә Россия гражданлыгын гадиләш­терелгән тәртиптә алырга мөмкин.

Контракт буенча хәрби хезмәткә барганда түбәндәгеләр каралган:

1.     Акча белән тәэмин итү: өйрәнү үзәгендә булганда – 30дан 45 мең сумга кадәр; МХОда катнашканда – аена 170 меңнән алып 200 мең сумга кадәр. Барысы да хәрби исемгә, вазифага һәм хәрби елларга бәйле. 
2.     РФ Президентыннан 195 мең сум күләмендә бер тапкыр түләнә торган түләү (1 елдан артык һәм аннан да күбрәк вакытка контракт төзегәндә). 
3.     Барлык ташламалар һәм түләүләр белән хәрби хәрәкәтләр ветераны таныклыгын алу.
4.     Ел саен 45 тәүлек дәвамлылыгында отпускка һәм кайту, китү юлына акчалата түләү.
5.     Бер оклад күләмендә өстәмә пособие түләү.
6.     Бер оклад күләмендә ел саен матди ярдәм түләү. 
7.     Хезмәт елларының 1 көнен 3 көн итеп ташламалы исәпләү.
8.     Контракт буенча 3 ел хезмәт иткәннән соң бушлай югары яки урта һөнәри белем алу мөмкинлеге, хезмәт итү вакытында яңа һөнәрләр алу мөмкинлеге. 
9.     20 ел хезмәт иткәннән соң пенсия белән тәэмин итүгә хокук (шул исәптән ташламалы исәпләү).
10.     Торак белән тәэмин итү: торак белән тәэмин итүнең һәм торак сатып алуның тупланма-ипотека  системасына (НИС) керү.  Хәрби хезмәт вакытында эштән торак бирелү яки торакта яшәп торган өчен компенсация алу. 
11.     Медицина белән тәэмин итү: ел саен түләүсез тикшеренү, дәвалану, дарулар белән тәэмин итү. 
12.     Ә иң мөһиме, хәрби частьне һәм вазифаны үзең сайлый аласың. 

Еш бирелә торган сорауларга җаваплар
– Контракт төзүнең иң аз ­вакыты?
– 6 айдан алып. 

–  Мин яраклылык категориясе (“В” категориясе) аркасында армиядә хезмәт итмәдем, хәзер контракт буенча хәрби хезмәткә бара аламмы?
–  Әйе, әгәр сез хәрби хез­мәткә барырга телисез икән, хәрби комиссариатта яңадан тикшерелә аласыз һәм әгәр табиблар комиссиясе сезне яраклы дип ачыкласа, контракт буенча хәрби хезмәткә баруны рәсмиләштерергә мөмкин булачак. Бу кыска вакыт эчендә эшләнә.

–   Хөкем ителгәнлегем ­булса, мине контракт буенча хәр­­би хезмәткә ала алалармы?
– Әгәр сезгә ФСИНда билге­ләнергә кирәкмәсә, сез­нең кандидатураны карарга мөмкин. 

– Контракт буенча хәрби хез­мәтне рәсмиләштерү өчен миннән нинди документлар таләп ителә?
– Паспорт һәм хәрби билет кү­чермәсе, автобиография, белем алу турында документлар, никахлашу һәм балалар туу турында таныклык­лар, салым органында исәпкә куелу турында таныклык­лар, акча күчерү өчен банктан банк реквизитлары турында белешмә.

– Медицина тикшеренүе озак ­узамы?
– Медицина тикшеренүе кыска вакыт эчендә үтә. Анализларның нәтиҗәләрен көтү аркасында иң күбе 3 көн.
 
–  Мин яраланган яки һә­лак булган очракта нинди ак­­чалата түләүләр каралган?
– Яраланган очракта сез 3 миллион сум күләмендә компенсация алачаксыз. Һәлак булган очракта сезнең якыннарыгыз 13 миллион сум күләмендә компенсация ала.  

P.S. Әгәр сездә сораулар калган булса, Тәтеш райо­нының хәрби комиссариатына мөрәҗәгать итегез, адресы: Тәтеш ш., Свердлов ур., 67нче йорт, телефоннары: 8(84373) 2-50-46, 2-50-47, 2-50-48.