24 апрель – Бөтенроссия шимбә өмәсе

(Тәтеш, 21 апрель, “Тәтеш таңнары”).

“Торак һәм шәһәр мохите” илкүләм проектының “Уңайлы шәһәр мохите булдыру” федераль проектын гамәлгә ашыру кысаларында 2021 елның 24 апрелендә Бөтенроссия шимбә өмәсе уздырылачак.

Санитар-экологик ике айлык һәм “Экояз-2021” респуб­лика акциясе кысаларында Бөтенроссия акциясенә Татарстанның барлык шәһәрләре һәм авыллары кушылачак.

Тәтеш шәһәре башкарма комитеты һәм авыл җирлекләре Советлары районыбызда яшәүчеләрне Бөтенроссия өмәсендә катнашырга: территорияләрне җыештыру һәм җәмәгать урыннарында, ишегалды һәм йорт яннары территорияләрен төзекләндерү буенча ­чаралар уздырырга өнди.