Александр Половинкин район газетасының альтернатив төрен рәсмиләштерде

Александр Половинкин, Мәскәү:
– Мин ­Тә­теш районының Удель­­ное Нечасово авылында туып-үстем, әлеге га­җә­еп җирнең ­йо­­лаларын күңе­лемә ­сеңде­реп, гоме­рем­нең күп өле­­шен ан­да үткәр­дем. Тәтеш районының авыл хуҗалыгы тармагында 20 елдан артык эшләдем. Ун ел элек мин Мәскәүдә яши башладым. Әлеге зур шәһәр минем алда яңа офык­лар һәм мөмкинлекләр ачты. Аралар ерак булса да, Тәтеш районы белән элемтәне өзмичә, “Авангард” газетасына языла башладым. Әлеге басма миңа Тәтеш районында барган вакыйгаларны, җирлектәге хәбәрләрне белеп тору мөмкинлеген бирә. “Авангард”ны уку миңа төбәк вакыйгаларын күзәтеп барырга ярдәм итә. “Авангард”ның һәр саны белән үземне кече ватаныма якынрак итеп тоям, яраткан җиремдә эшләүләрен дәвам итүчеләр белән элемтәдә торырга омтылам. Газета белән аралар якыная. 

Редакциядән: Александр Половинкин район газетасының альтернатив төрен рәсмиләштерде. Газета әзер булган көнне ул безнең матбугатны электрон почта аркылы ала, ә бер ай узгач, без аңа “Авангард”ның басма саннарын поч­та аша җибәрәбез. Шулай булгач, газетабызны Тәтеш районыннан еракта яшәп тә алып була.