Алимент түләмәгән өчен хөкем ителгәннәр

Суд Тәтеш районында яшәүче 36 яшьлек хатын-кызны җитди сәбәпләре булмаган килеш суд карарын бозуда, балигълык яшенә җитмәгән балаларын тәрбияләү өчен акча түләмәүдә гаепле дип ­таныган.

– Судта ачыкланганча, хөкем ителүче хатын-кыз 2024 ел­ның 11 гыйнварыннан 13 июненә кадәрге вакытлар­да җит­ди сәбәпләр­сез балигълык яшенә җитмәгән алты баласына алимент түләмәгән, шуның нәтиҗә­сендә 1 555 145 сум 54 тиен әҗәте җыелган. Моннан тыш, хөкем ителүче шушы ук вакытларда тагын балигъ булмаган өч баласына җитди сәбәпләрсез алимент түләмәгән, шуның нәтиҗәсендә 226 414 сум 76 тиен бурычы җыелган, – дип хәбәр итә прокуратура хезмәткәрләре. – Хөкем ителүче җинаять кылуда үз гаебен тулысынча таныды, кылган гамәленә үкенүен белдерде. Кылган гамәлнең җәм­г­ыятькә куркынычлылык дәрәҗәсен, гаепләнүченең шәхесен исәпкә алып, суд аны ике гамәле буенча хезмәт хакының 10 процентын дәүләт кеременә тотып калу белән 9 айлык төзәтү эшләре рәве­шендәге җәзага хөкем итте.  
Кырык өч яшьлек җир­лек кешесе дә алимент түләмәгән өчен хөкем ителгән. 

Суд аны балигълык яшенә җитмәгән балаларын тәрбияләү өчен нигезле сәбәпләре булмаган килеш берничә тапкыр акча түләмәүдә гаепле дип ­таныган.

–Судта ачыкланганча, гаепләнүче 2024 елның 4 февраленнән 25 июленә кадәрге вакытларда җитди сәбәпләрсез балигълык яшенә җитмә­гән бала­ларына алимент түләмә­гән, шуның нәтиҗәсендә 667 710 сум 22 тиен әҗә­те барлыкка килгән, – дип хәбәр итә прокурату­ра хезмәткәрләре. – Хө­кем ителүче җина­ять кылуда үз гаебен таныды, кылган гамәле өчен үкенүен белдерде. 

Кылган гамәлнең җәм­гы­ятькә куркыныч­лылык дәрәҗәсен, гаепләнүченең шәхесен исәпкә алып, суд аны ике кылган гамәле буенча хезмәт хакының 10 процентын дәүләт кере­менә тотып калу белән 9 айлык төзәтү эшләре рәве­шендәге җәзага хөкем итте.