Җаваплылыкка җәлеп иткәннәр

(Тәтеш, 22 июнь, «Тәтеш таңнары»).

– 2023 елның 1 кварталы нәтиҗәләре буенча Тәтеш районы алкоголь продукциясен ваклап сатуның җирле базар торышын бәяләү рейтингында 34 нче урында тора. Сүз уңаеннан, 2022 елның 1 кварталы нәтиҗәләре буенча район рейтингның 45 нче урынында иде, – дип хәбәр итте ТР дәүләт алкоголь инспекциясенең Яшел Үзән территориаль органындагы контроль-инспекция бүлегенең әйдәп баручы белгече-эксперты Елена Сазонова. – Хисап вакыты эчендә районда 4,5 мең декалитр алкоголь продуктлары сатылган, бу узган елның шушы вакытына карата 110 процент. Алкоголь һәм спиртлы продукциянең законсыз әйләнешен ачык­лау һәм бетерү буенча мобиль төркем тарафыннан быелның өч аенда өч хокук бозу очрагы ачыкланган, 140 литр чамасы алкоголь һәм спиртлы продукция алынган. Барлык ­хокук бозулар буенча административ материаллар төзелгән, ә гаеплеләрне җаваплылыкка җәлеп иткәннәр.