Авыл халкының мәшәкатьле чагы

Редактор, 24 июнь 2014 - 12:28

Аграрчылар кыр эшләре һәм азык әзерләү барышын тикшерделәр.

"Татарстан" һәм "Содружество" авыл хуҗалыгы предприятиеләре хезмәттәшләрен каршы алдылар. Район башлыгы урынбасары Илдар Фәткуллов һәм райбашкарма комитеты җитәкчесе Аркадий Семенычев катнашындагы киңәшмәдә азык әзерләү, үсемлекләрне саклау, сабан культураларын тукландыру, пар җирләрен эшкәртү, картайган күпьеллык үлән басуларын сөрү һәм башка мәсьәләләр каралды.

Авыл хуҗалыгы һәм азык-төлек идарәсе начальнигы Евгений Курков күпьеллык үләннәрне җыеп алуны 25 июньгә тәмамлау бурычын куйды. Сөткә бәяләр тотрыклы һәм продукциягә сорау булганда сыйфатлы азыкларны җитәрлек әзерләү һәркемне кызыксындырырга тиеш.

Евгений Курков июньдә терлекчелектәге эшләргә анализ ясап, абзарларны ремонтлау мәсьәләсен дә игътибардан читтә калдырмады.

Авыл хуҗалыгы идарәсе начальнигы урынбасары Николай Кудряшов күпьеллык үләннәрнең беренче чабымын җыеп алу, азык әзерләү темплары, үсемлекләрне саклау, сабан ашлыкларын тукландыру, картайган үләннәрне сөрү, чиста парларны эшкәртү барышы һәм күләмнәре турында җентекле чыгыш ясады.

Олы Тарханда җитәкчеләр яңа гына төзелеп беткән участок ветеринария пункты бинасын карадылар, хәзер аның тирә-ягын төзекләндерү эшләре бара. Аркадий Семенычев хуҗалык җитәкчеләренә аның территориясен төзекләндерүдә өлешләп катнашырга һәм акча кертергә тәкъдим итте, 2015 елда районның төньяк өлешендә дә шундый объект төзү планлаштырылуы хакында сөенечле хәбәр җиткерде.

Узган елгы калдыкны исәпкә алып, районда бүгенгә бер шартлы малга 7,3 центнер азык берәмлеге әзерләнгән. Бу өлкәдә "Авангард" (19,8 центнер азык берәмлеге), "Колос" (12,2), "Содружество" (6,9) нәтиҗәле эшләгәннәр. "Теюшское" УПХ, "Родина" агрофирмасы, "Хөсәенов" КФХ җитәкчеләре гадел тәнкыйтькә дучар булдылар, киңәшмә булган көнгә аларда бер шартлы малга 1 центнер азык берәмлегеннән дә кимрәк әзерләнгән иде. Бүген азык җитештерүдә һәркемнән бердәмлек һәм эшне тиешенчә оештыру таләп ителә, чөнки маллар кышлату шуңа бәйле булачак, димәк, авыл хуҗалыгы предприятиеләренең икътисады да.

Иң мөһим һәм кызыклы язмаларны Татмедиа Telegram-каналында укыгыз

Нравится

Комментарии (0)

© 2011 - 2020. Тетюшские зори. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Тетюшские зори
№ свидетельства о регистрации СМИ, дата: серия Эл № ФС77-73780 от 28 сентября 2018 г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Сафарова Инга Валериевна
Адрес редакции: 422370, Республика Татарстан, Тетюшский р-н, г. Тетюши, ул. Свердлова, д. 61
Электронная почта редакции: avangard@tatmedia.com
Телефон редакции: (84373) 2-54-95
Для сообщений о фактах коррупции: tetuch_awangard@rambler.ru

сетевое издание

Учредитель СМИ: АО «ТАТМЕДИА»
Политика о персональных данных
Антикоррупционная политика

Телефон АО «ТАТМЕДИА»: (843) 222 09 84

16+