Тетюшские зори
  • Рус Тат
  • Азык әзерләүчеләргә һәр минуты кадерле

    Бу сезонда район авыл ху­җалыгы җитештерүчеләре алдында кышлату чорына бер шартлы малга 32,5 центнер азык берәмлеге әзерләү бурычы тора. Бу димәк, район­да тупас азыкның 36180 тонна, сусыл - 41 мең тонна тәшкил итүен аңлата.

    Барлык хуҗалыклар да диярлек печән, сенаж әзерләргә кереште. Бары тик һава торышы гына көн саен азык хәстәрен алып бару мөмкинлеген бирмичә тоткарлап тора, 10нан 100 гектарга кадәр булган мәйдандагы ча­былган яшел масса хуш исле пе­чәнгә әйләнер өчен кояшлы көн көтә.
    Азык утарларында люцер, кә­җә һәм төрле үләннәрдән җәйге тәмле ис аңкып тора.
    "Колос", "Содружество", "Р. Г. Сафиуллова" КФХ иң оештырылган һәм күп күләмдә азык әзерләргә өлгерде­ләр, дип хәбәр иттеләр безгә авыл хуҗалыгы һәм азык-төлек идарәсендә.
    "Колос" агро­фирмасына шалтыратап, без әлеге сүзләргә инандык.
    "Люцердан сенаж әзерлибез, бүген-иртәгә бу эшне төгәллибез, - дип хәбәр итте җитәкче урынбасары Ранис Мәүлеханов дүшәмбе көнне. - Барлыгы 2500 тонна хәстәрләргә планлаштырылган. Печәнгә кә­җә һәм төрле үләннәрне чаба башладык, аның запасын люцернаның икенче чабымы тулыландырачак. Тагын 2500 тонна силос әзерләргә ниятлибез.
    Барлык өч траншея дә (7500 тонна) витаминлы яшел масса белән тутыры­лачак. Бөтен техника кыр­да, кешеләр иртәнге 6дан кичке сәгать 7гә кадәр күтәренке рухта эшли. Яшел конвейерда эшләүчеләрнең һәммәсен иртәнге, төшке, кичке аш белән тукландырабыз".
    Без, үз чиратыбызда, азык әзерләүдә катнашучыларга кояшлы һава торышы телибез!

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: