Бала туганда бер тапкыр бирелә торган түләү

(Тәтеш, 16 гыйнвар, “Тәтеш таңнары”). ТР буенча РФ Пенсия фонды бүлеге мәгълүматлары буенча, сабыйның эшләмәүче ата-анасына яки аның опекунына, уллыкка яисә тәрбиягә бала алган ата-анага бала туганда бер тапкыр бирелә торган акча түләнергә тиеш, ул элек социаль яклау органнары тарафыннан бирелә иде.

– Бер тапкыр бирелә торган түләү күләме 18 886 сум 32 тиен тәшкил итә, – ди РПФның ТР буенча Тәтеш районында клиентлар хезмәте бүлеге җитәкчесе Ирина Большакова. – Ике һәм аннан күбрәк бала туганда пособие һәр балага түләнә. Пособие бары тик ата-ананың икесенең дә яки аларны алмаштыручы затларның хезмәт урыны булмаганда һәм бала тугач 6 айдан да соңга калмыйча мөрәҗәгать иткән вакытта гына билгеләнә. Пособие бары тик гариза тапшырганда гына рәсми­ләштерелә. Гариза бирү өчен яшәү урыны буенча пенсия фондының клиентлар хезмәтенә 8(84373) 2-57-66 телефоны буенча алдан язылып мөрәҗәгать итәргә мөмкин.
Ярдәм чаралары турындагы сорауларга җа­вапларны гражданнар белән үзара бәйләнеш Бердәм контакт-үзәгенең 8 800 6-000-000 (шалтырату бушлай) номеры буенча алырга була.