Балалар мәйданчыгына олырак яшьтәге тәтешлеләр уйнарга түгел, ә сүгенергә киләләр...

Төш вакытында биредә бала-чага күп була, футбол уйныйлар. Ә менә кичен, диләр шунда яшәүчеләр, аларны олыраклар алыштыралар. "STOP, алкогольсез урын" дигән элмә такта да аларга ошамаган, күрәсең, хәзер ул урталай сындырылган килеш җирдә аунап ята. Полиция дә күзәткәләп йөри, әмма хәл үзгәрми, хулиганнар үзләреннән соң шешә ватыклары калдырып китәләр. Биредәге алмагачларның уңышы да көзгә кадәр калмас инде - аларны яшел килеш өзеп, җиргә ташлыйлар.

"Кайберәүләрнең шундый башбаштаклыкларын, үзләрен әдәпсез тотуларын оныкларыбызның күрүен теләмибез", - диделәр, янәшәдән узып баручы биредә яшәүчеләр.