“Барлык битләрне игътибар белән укыйм”

(Тәтеш, 13 июнь, "Тәтеш таннары"). Китапханәче Лидия Караваева Тоншерма китапханәсе укучылары арасында сораштыру үткәргән. Сорау вакытлы матбугатның, аерым алганда район гәҗитенең мөһимлеге турында булган. Авыл халкы менә нәрсә дип җавап биргән:

Нина Урмаева: 
– Район гәҗитен гомерем буе укыйм, ирем Алексей Андреевич, шулай ук гәҗитне яратып укый. Бигрәк тә гаилә турындагы язмалар кызыклы.
Михаил Майоров: 
– Башка авылларда яшәүчеләрнең ничек яшәвен белү бик кызык. Безнең өч балабыз бар, миңа да, аларга да спортчыларыбызның казанышлары турындагы яңалыклар бик ошый.
Владимир Туйдуков: 
– Гәҗитне бик яратып укыйбыз, аеруча мине беренче һәм соңгы бит кызыксындыра.
Леонид Урмаев: 
– Миңа инде 85 яшь. Хат ташучыларны рәхмәт сүзләре белән билгеләп үтәсем килә. 70нче-80нче елларда эшләве җиңел булмады. Гәҗитләр, журналлар, хатлар, открыткалар күп –  сумкалар авыр иде. Ике хат ташучы халыкка хезмәт күрсәтте. Нагуськина Анна Тихоновна, Васильева Екатерина Федоровна шул чорда эшләделәр. Аннары Нагуськина пенсиягә китте, аның урынына Зингарева Нина Константиновна килде. 20 ел дәвамында Фуражкина Галина Ивановна эшләде. Барысы да ачык күңелле, әдәпле кешеләр иде.
Клавдия Кутяшова: 
– Район гәҗитен 1958 елдан бирле алдырам. Барлык битләрне дә игътибар белән укыйм. Өстәвенә, элеккеге китапханәче буларак, бу инде тормыш гадәтенә керде. Бик ошый, һәр гәҗит санын көтеп алам.