Барсы өчен дә җаваплы

Редактор, 14 апрель 2016 - 09:00

Тәтеш авыл хуҗалыгы техникумы базасында алты районнан килгән җирлек башлыклары өчен зона семинар-киңәшмәсе булып үтте.

Аны ТР муниципаль берәмлекләр Советы рәисе Минсәгыйть Шакиров ачып җибәрде.

"Дәүләт, муниципаль хезмәткәрләрне әзерләү һәм укыту кысаларында без шундый семинарлар уздырабыз, - диде ул. - Система буларак җирле үзидарә үзен аклады. Һәркемгә дә 131 Федераль законның уңышлы тормышка ашуы өстендә ныклап эшләргә кирәк, ул сезнең барлык гамәлләрегезне билгели".

Аннары Минсәгыйть Закир улы авыл җирлекләренә нинди төр республика ярдәме тиеш булуы турында сөйләде. Акча җитешмәүгә карамастан, җирлекләрдә республика программасы буенча нидер төзелә яисә ремонтлана. Җирлекләр грант отып, бәйгеләрдә җиңеп, ярдәм алалар. Үзара салым программасын финанслауны да бәяләмичә калдырырга ярамый (былтыр республика авылларга ярдәм йөзеннән 488 миллион сум бүлеп бирде һәм инде быелның апрелендә - 90ны).

- Татарстан Республикасында хакимият ягыннан җирле үзидарәләргә тиешле игътибар һәм зур булышлык күрсәтелә, шулай ук сорау да аз түгел. Безнең барлык эшләребез гамәлдәге законга туры килергә тиеш, - дип ассызыклады Минсәгыйть Закир улы.

Район башлыгы Рәмис Сафиуллов җыелучыларга районның һәм шәһәрнең төп үсеш юнәлешләре турында сөйләде, күтәренке кәеф теләде.

Башлыклар белән аралашырга республиканың биш министрлыгыннан министр урынбасарлары, ТР Президенты Идарәсе, ФСБ Идарәсе, прокуратура хезмәткәрләре килгәннәр иде. Аларның һәркайсы законнар базасындагы төп үзгәрешләрне җиткерергә, агымдагы эшчәнлеккә анализ ясарга һәм беренче чираттагы мәсьәләләрне билгеләргә тырыштылар. Халыкның эшлекле активлыгын күтәрүгә басым ясалды, ул аларның үз табышларын арттырырга мөмкинлек бирәчәк. Бүгенге хәлдә терроризм, экстремизм куркынычсызлыгы һәм профилактикасы турында да онытырга ярамый. Республика территориясендә санитар тәртип, экологик ике айлыкта катнашу буенча халыкны активлаштыру проблемасы да көнүзәк. Кулланучылар хокукын яклау, халыкны социаль яклау, коррупциягә каршы сәясәт һәм башка мәсьәләләр дә тикшерелде.

Җирлек башлыгы һәр якташының тормыш юлы өчен җавап бирә - туганнан алып үлгәнгә кадәр. Бу зур җаваплылык һәм, Минсәгыйть Шакиров әйтүенчә, аны җирле хакимиятнең барлык структуралары алар белән бергә кайгыртырга тиешләр. Республика иминлеге өчен бергәләп эшләргә кирәк.

Иң мөһим һәм кызыклы язмаларны Татмедиа Telegram-каналында укыгыз

Нравится

Комментарии (0)

© 2011 - 2020. Тетюшские зори. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Тетюшские зори
№ свидетельства о регистрации СМИ, дата: серия Эл № ФС77-73780 от 28 сентября 2018 г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Сафарова Инга Валериевна
Адрес редакции: 422370, Республика Татарстан, Тетюшский р-н, г. Тетюши, ул. Свердлова, д. 59
Электронная почта редакции: avangard@tatmedia.com
Телефон редакции: (84373) 2-54-95
Для сообщений о фактах коррупции: tetuch_awangard@rambler.ru

сетевое издание

Учредитель СМИ: АО «ТАТМЕДИА»
Политика о персональных данных
Антикоррупционная политика

Телефон АО «ТАТМЕДИА»: (843) 222 09 84

16+