Бер җылы сүз һәм игътибар җитә

(Тәтеш, 5 декабрь, "Тәтеш таңнары, Сания Сәмигуллина, автор фотосы). Тәтеш районында игелекле, мәрхәмәтле кешеләр бик күп. Әйтергә кирәк, мәдәният хезмәткәрләрен нәкъ тә менә алар рәтенә кую  бик хаклы. Инвалидлар ункөнлеге кысаларында алар үзләренең авылларындагы сәламәтлекләре буенча мөмкинлекләре чикле кешеләргә хөрмәт күрсәтте.
“Сөендектә яшәүче тумыштан инвалид булган авылдашлар белән мәдәният йортында очрашу оештырдым. Чәй табыны янында сөйләшеп утырдык, үзләренә күрсәткән игътибарга бик сөенделәр”, – дип хәбәр итте Люция Хәлиуллова.