Безнең кадет мәктәп-интернаты – Бөтенроссия бәйгесе лауреаты

(Тәтеш, 1 май, “Тәтеш таңнары”).
Тәтешнең кадет мәктәп-интернатына “Илнең иң яхшы 500 белем бирү оешмасы – 2021” Бөтенроссия бәйгесенең “Белем бирү оешмасы – Россия Гражданины һәм Патриоты тәрбияләү территориясе – 2021” номинациясендә медаль һәм лауреат Дипломы белән бүләкләнде.

Бөтенроссия бәйгесе лауреатларын бүләкләү Санкт-Петербургта “Минем илем” III  Бөтенроссия педагогия съезды кысаларында булды.

Бәйгедә ел саен Россиянең иң яхшы белем бирү оешмалары катнаша, алар алдынгы педагогия тәҗрибәләрен һәм белем бирү сыйфатының югары күрсәткечләрен күрсәтәләр.