Бүләкләр кемнәргә насыйп булды соң?

(Тәтеш, 23 гыйнвар, «Тәтеш таннары»).  Акция шартлары буенча, аңарда 2019 елның I ярты еллыгына квитанция күчермәләрен (6 айга) җибәргән барлык абунәчеләребез катнаша алды. 

Иң актив укучыларыбыздан 150дән күбрәк квитанция килде.

Шулай итеп, җиңел кулдан уенны башлап җибәрдек һәм безнең күркәм бү­ләкләргә ия булучыларның исемнәре ачыкланды. 

Ике төп бүләк – җылы одеял – Алабирдедән Әлфия Заһидуллинага (“Тәтеш таңнары”) һәм Тәтештән Светлана Камфаровага (“Авангард”) насыйп булды.

Үзенчәлекле яктырткычлар Бидәң­гедән Алсу Гафуровага (“Тәтеш таңнары”, Тәтештән Асия Ибраһимовага (“Авангард”) хезмәт күрсәтәчәк, аларның өйләренә яктылык сирпеп торачак.

Стена сәгатьләре Бидәңгедән Рамил Хөсәенов  (“Тәтеш таңнары”), Тәтештән Нәфисә Кәримоваларның (“Авангард”) йортын бизәячәк.

Без бүләк алучыларның барысын да ихлас күңелдән тәбрик итәбез һәм аларның шатлык-сөенечләрен уртак­лашбыз.

Призлар  безнең район “Тәтеш таң­нары”/“Ав­ангард” гәҗитләре редакциясендә тап­шырыла. 

Яңа бәйгеләр игълан ителүе турындагы хәбәрләрне күзәтеп барыгыз, аларда катнашыгыз.

Безнең белән булыгыз!
“Тәтеш таңнары” – сезнең гәҗит