Боз сурәтләре матурлык өсти

Редактор, 29 декабрь 2016 - 12:50

Тәтешлеләр бәйрәмне үз куллары белән булдыралар.

Кичә Юбилей урамындагы укучыбыз телефоннан шалтыратап, 4нче йорт янында әкият дөньясы барлыкка килүен хәбәр итте. Җыенып әлеге урынга киттек.

Чынлап та безне искиткеч төсләр балкышы каршылады: Кар кызы, Кыш бабай, Чыршы, Кар әби белән Кар малай, гаҗәеп Әтәч.

Һәм шунда ук, әйтерсең лә бу тату төркемнән әле генә аерылгандай, йорт капкасы төбенә мөлаем ханым чыкты.

"Сез дә шулай ук күңелле әйлән-бәйләнне карарга килдегезме?" - дип кызыксынды ул. Ачыкланганча, биредә инде шактый гына "сәяхәтләр" булган, фотога, үз-үзләрен телефонга төшәрергә рөхсәт сораганнар.

"Сурәтләр ясау белән дүртенче ел шөгыльләнәм, - дип сөйли Ольга Филиппова. - Яңа ел бәйрәмнәрендә Яр Чаллыдан әнием янына кайтам. Башта аның өчен шатлык бүләк итәсем килде, ә хәзер ул гадәткә керде".

Сурәтләрне игътибар белән карап, без әлеге могҗизага никадәр үзенчәлекле әйбер файдаланылганына гаҗәпләндек: төрле төстәге йон, кылган (аны Ольга билдән карга батып җыйган), билчән яфраклары, тукыма кисәкләре, каты кәгазьләр. Әле никадәрле кар һәм су кирәк булган.

"Әвәләп, су гына сибеп калмадым, бозга әйләнсен өчен карны ләгәнгә өеп куйдым, шуннан соң акрынлап катлам-катлам итеп сурәтне ялгап зурайттым, - диде Ольга Ивановна. - Боз композициясенең төп билгесе - ел символы. Менә Маймылны ясавы бик авыр булган иде, ә инде күршебез аның сурәтен алып килгәч, эш җай гына китте".

Баксаң, буяуны да ул озакка җитсен өчен махсус сәнгать кибетеннән сатып ала икән.

- Сизәм, һөнәрегез дә иҗат белән бәйле ахрысы", - дип мөрәҗәгать итәм эш авторына. - Иҗатка иң якыныдыр, мөгаен, - дип елмая ул. - Мин - балалар бакчасында тәрбияче".

Кешенең тормышта нәрсә белән белән шөгыльләнүе, аның башкаларга карата күп яклы мөнәсәбәтен билгели, һәм, минем аңлавымча, Ольга Филиппованың уй-теләге - шатлык бүләк итү, чөнки зәмһәрир суыкта да моңардан һәркемнең күңеленә җылылык өстәлә.

Иң мөһим һәм кызыклы язмаларны Татмедиа Telegram-каналында укыгыз

Нравится

Комментарии (0)

© 2011 - 2021. Тетюшские зори. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Тетюшские зори
№ свидетельства о регистрации СМИ, дата: серия Эл № ФС77-73780 от 28 сентября 2018 г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Сафарова Инга Валериевна
Адрес редакции: 422370, Республика Татарстан, Тетюшский р-н, г. Тетюши, ул. Свердлова, д. 59
Электронная почта редакции: avangard@tatmedia.com
Телефон редакции: (84373) 2-54-95, (84373) 2-53-80 (рекламный отдел), 2-53-84 (корреспонденты)
Для сообщений о фактах коррупции: tetuch_awangard@rambler.ru

сетевое издание

Учредитель СМИ: АО «ТАТМЕДИА»
Политика о персональных данных
Антикоррупционная политика

Телефон АО «ТАТМЕДИА»: (843) 222 09 84

16+