Тетюшские зори
  • Рус Тат
  • Быелгы көз гөмбәгә бай булды

    Әмма шуны онытмаска кирәк, табигатькә чыгуның сәла­мәтлегегез өчен куркыныч туды­руы ихтимал, чөнки урмандагы кимерүче­ләр геморрагик бизгәк чыганагы саналалар. Быел районда шундый 2 очрак булган: берсе - шәһәрдә һәм тагын берсе Алабирдедә (көнкүрештә). Шул уңайдан Роспотребнадзор территориаль бүлеге начальнигының Тәтеш районындагы урынбасары Олег Мазюкин белән әңгәмә тәкъдим итәбез.

    - Олег Алексеевич, бу чирне булдырмау өчен сез нәрсәләр киңәш итәсез?

    - Түбәндәге гади кагыйдәләрне истә тотарга һәм үтәргә кирәк: ял итү өчен үләннәре кыс­ка булган аланны сайларга; ял иткән урынны азык калдыклары белән чүпләп калдырмас­ка; эчү өчен суны таныш булмаган һәм төзекләндерелмәгән чыганаклардан алмаска; чишмә суын кайнатырга; ашар алдыннан кулларны юарга. Ашамлыклар һәм су запасын кимерүчеләр керә алмаслык савытларда сак­ларга. Дача йортларын, дезинфекцияләүче средстволарны файдаланып, юып чыгарырга. Бакчада эшләгәндә, мал-туар караганда резина перчаткалар һәм саклагыч киемнәр кияргә.
    Кимерүчеләргә каршы көрәш чараларын даими үткәрергә, моның өчен көнкүрештә кулланыла торган средстволарны файдаланырга, шулай ук шәхси гигиена һәм куркынычсызлык кагыйдәләрен үтәргә.

    - Чирне ничек белеп була?

    - Авыру билгеләре: тән температурасы кинәт 38-39 градуска кадәр күтәрелә, туңып калтырата, тән сызлый, баш һәм мускуллар авырта, бигрәк тә балтыр ите, тәнгә нокталар кебек кан төшә, димәк, кичекмәстән хас­таханәгә мөрәҗәгать итәргә кирәк. Шулай эшләмәгәндә, чирнең катлаулануы һәм эчке әгъзаларның зарарлануы мөмкин.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: