Тетюшские зори
  • Рус Тат
  • Бәйрәм күңелле булачак

    Безнең шәһәрдә бу көнне һөнәри дип әйтергә мөмкин булган ике уку йорты бар - Тәтеш авыл хуҗалыгы техникумы һәм дәүләт гражданнарны яклау көллияте.

    Беренчесендә дә, икенчесендә дә бәйрәм уңаеннан чаралар уздыру планлаштырылган.
    Көллиятнең тәрбия эшләре буенча мөдире Екатерина Баландина сүзләренчә, студентлар рок-концерт оештырачаклар, аңа Кама Тамагы районының "Скандал" төркеме чакырылачак, андагы җырчыларның берсе - көллият укучысы Мария Артемьева. Шаяннар һәм тапкырлар клубының "Коткаручылар, алга!" командасы музыкаль номерлар әзерли. Һәм әлеге датага махсус рәвештә китапханә "Яшьлек - безнең киләчәк" дигән күргәзмә бизәячәк. Мөһим вакыйгаларның берсе - һәр елны уздырыла торган Татарстан Респуб­ликасының "Ел студенты-2015" студентлар премиясе нәтиҗәләрен игълан итү.
    Студентлар уйлаганча, кичә хәйриячелекне күз уңында тотачак: укучылар ясаган әйберләрне сату планлаштырыла. Бөтен кергән акча районыбыздагы мохтаҗ балаларга тотылачак.
    Бу көн техникум студентлары өчен дә мавык­тыргыч булачак. "Безнең уку йортының 95 еллыгына багыш­ланган китап күргәзмәсе инде бизәлде. Гадәттәге­чә тематик сыйныф сәгатьләре һәм мини концерт планлаштырыла. Дүшәмбе көнне "Яшь булуыңны исбатла!" акциясе үткәреләчәк, ә сишәмбедә без администрация һәм яшьләр хәрәкәте вәкилләрен очрашуга чакырырга, районыбызда студентлар оешмаларын һәм яшьләр сәясәтен җәелдерү мәсьәләләрен тикшерер­гә телибез", - дип уртаклашты директорның тәрбия эшләре буенча урынбасары Елена Шумилова.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: