Диңгезчеләр әләме – флот символы

Редактор, 2 август 2017 - 06:22

Тәтештә икенче ел рәттән РФ Хәрби-диңгез флоты көненә багышланган митинг уза.

Аның төрле буындагы илледән күбрәк вәкиле, армия хезмәтен хәтердә яңарту өчен, июльнең соңгы якшәмбесендә Дан Мемориалы янына җыелды. Быргы тавышлары астында хәрби-диңгез флоты әләме күтәрелде.

Район башлыгы урынбасары Евгений Курков тәбрикләү сүзендә әлеге төр кораллы көчләрнең тарихы турында искә төшерде, җыелучыларны район башлыгы Рәмис Сафиуллов исеменнән котлады. "Бүген бу бәйрәмне безнең бөтен бөек илебез билгеләп үтә. Хәрби-диңгез флоты - ул гаять зур көч, ул Россиянең су киңлекләрен саклый, диңгездә һәм коры җир өстендәге хәрби хәрәкәтләрдә катнаша", - диде Евгений Гаврилович.

Хезмәт вакытында һәлак булучыларны Бер минутлык тынлык белән искә алдылар, обелискка гирлянда һәм Мәңгелек утка чәчәкләр салдылар.

"Хәрби-диңгез флоты вәкилләре һәрвакытта хөрмәт яуладылар, бүгенге көндә алар безнең дәүләтнең терәге, бөек һәм көчле илнең символы булып торалар", - дип билгеләп үтте районның хәрби комиссары Фәнис Гарифуллин.

Бер читтәрәк, як-яктан, диңгезчеләрнең ата-аналары, хатыннары, балалары мәйданда барган күренешне күзәтәләр. Үтеп-сүтеп йөрүчеләр дә адымнарын акрынайта: аларның карашлары сызыклы күлмәкләргә һәм фуражкаларга төбәлгән.

"Бүген Россия Федерациясенең барлык флотындагы кешеләр җыелды. Диңгезчеләр бар һәм булачак, чөнки алар безнең эпоханың горурлыгы һәм намусы булып тора. Ел саен үткәрелә торган очрашуны дәвам итәчәкбез. Зур уңышлар сезгә!" - дип мөрәҗәгать итте җыелучыларга хәрби-диңгез флоты советы рәисе Михаил Мечтанин.

"Армия хезмәтен Североморск шәһәрендә үттем. Бүген беренче тапкыр митингка килдем. Мондый очрашулар кирәк, чөнки алар күңелле дә, шулай ук яшьләрдә ватанпәрвәрлек хисләре дә тәрбияли", - дип уртаклашты Михаил Андрианов. "Иң нык егетләр генә Төньяк флотта хезмәт итә!" - дип өстәде аның хатыны Ольга.

Митинг шәһәр урамнары буенча машиналарның тезелеп узуы белән тәмамланды.

Вакытлар алышына, әмма малайларны элеккечә үк диңгез турындагы хыял җәлеп итә һәм җиңелмәс хәрби-диңгез флотының диңгезчеләр әләме астына чакыра.

Иң мөһим һәм кызыклы язмаларны Татмедиа Telegram-каналында укыгыз

Нравится

Комментарии (0)

© 2011 - 2021. Тетюшские зори. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Тетюшские зори
№ свидетельства о регистрации СМИ, дата: серия Эл № ФС77-73780 от 28 сентября 2018 г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Сафарова Инга Валериевна
Адрес редакции: 422370, Республика Татарстан, Тетюшский р-н, г. Тетюши, ул. Свердлова, д. 59
Электронная почта редакции: avangard@tatmedia.com
Телефон редакции: (84373) 2-54-95, (84373) 2-53-80 (рекламный отдел), 2-53-84 (корреспонденты)
Для сообщений о фактах коррупции: tetuch_awangard@rambler.ru

сетевое издание

Учредитель СМИ: АО «ТАТМЕДИА»
Политика о персональных данных
Антикоррупционная политика

Телефон АО «ТАТМЕДИА»: (843) 222 09 84

16+