Тэтэш таннары
  • Рус Тат
  • Әни ашлары кебек...

    Тәтеш авыл хуҗалыгы техникумы ашханәсендә көн саен дүрт хатын-кыз өйдәге кебек тәмле ризыклар әзерлиләр.

    Техникумда тынлык - ­дә­ресләр бара. Буш ко­ридорга яңа пешкән ка­мыр ризыклары исе таралган, һәм ул, әлбәттә, ишек ярыкларын­нан һәр аудиториягә үтеп кергәндер. Төшке аш ва­кыты. Ме­нә кыңгырау яң­гы­рады, тирә-якта сөйләшкән, кө­леш­кән та­выш­лар,­ кесә теле­фоныннан яңгыраган көйләр үземнең сту­дент елларымны искә­ тө­шерде. Ашханә янында чират барлыкка килде, ашыкмасалар да, вит­ри­надагы төрле са­латларны тиз арада алып бетерде­ләр. Аш пешерүчеләр һәркемгә елмаюлы караш ташлап, студентлар сора­ган ашларны салып би­рәләр. Һәр тәлинкәдә ит кисәге. "Котлет, тефтели, әллә тавык кирәкме?" - дип сорый аш таратучы. Камыр ашлары тау кебек өеп куелган, бүген кә­бестә һәм повидло сумсалары пешергәннәр. Аларны көнгә 300 данәгә ка­дәр сатып алалар икән! Берсеннән-берсе тәмле шундый ризыкларны пешерү серләрен 35 елдан бирле плитә янында кайнашучы Әлфия апа Сәлахетдиновадан да ях­шырак белүче юктыр. Ачык йөзле ашханә мөдире Ризидә Кәлимуллинаның да эш стажы 30 елга якын. "Безнең өчен зур табыш ул, үз эшенең остасы, җаваплы кеше", - ди аның хакында тех­никум директоры Ма­рат Фазлыев. Моннан да яхшырак бәяне биреп булмый.
    Кухнядагы дүрт ханым көнгә дүрт йөздән артык кешегә хезмәт күрсәтә - бу искитмәле! Ризыкларны тәмле итеп пешерү өчен күпме көч сарыф ителгән һәм шул ук вакытта ху­җабикәләргә генә хас ягымлылык та сакланган. Ашханәдә чит­тән килүчеләр дә тук­ланалар, аларны ашам­лык­ларның арзан­лыгы гы­на­ түгел, ә сый­фатлы, эшләүчеләрнең ку­нак­чыллыгы, чисталык та­ җәлеп итә.

    - Барсына да ничек өлгерәсез, дип сорыйм мөдирдән. - Эшебез бик иртә башлана, сәгать 11гә кадәр сөй­ләшергә дә вакыт булмый, кызларыбыз бердәм һәм дус, бер-беребезне ярты сүздән һәм күз карашыннан аңлыйбыз. Барсы да уңган-бул­ганнар бит. Әлфия апа - камыр ашлары, Фирая Вәлиәхмәтова белән Гө­лия Нас­ретдиновалар аш пешерү осталары, - дип мактый Ризидә ханым үзенең хезмәттәшләрен. - Безнең барлык ризык­лар да яхшы сыйфатлы, бәрәңге, кишер, суган, яшел тәмләткечләр үзе­­безнең ярдәмче ху­җалыктан. Кәбестәләрне яңа елга кадәр башлата саклыйбыз, аннан соң җитмешәр литрлы җиде мичкәгә тозлыйбыз, ә майдан инде иртә өлгерә торганын кул­лана башлыйбыз. Кы­яр, помидорларны да көзеннән тозлап куябыз.

    - Ризыклар ошыймы? - дип сорадым, таныш студент кыздан.

    - Әни ашлары кебек, - диде икенче курста укучы Ирина. "Кайвакыт өйдә дә биредәге кебек булмый", - дип сүзгә кушылды янәшәдә утырган егет.

    - Ашханә тоту авырмы? - дип сорадым техникум директорыннан.

    - Сәламәтлектә эконо­мияләмибез, - дип сөйли Марат Галимҗанович. - Ашханә өчен продукт­ларны сыналган, рөхсәт документлары, про­дук­циягә сертификат­лары булган күмәртәләп сату базасыннан гына ала­быз. Башлангыч произ­водство звеносы студентларына (9нчы сыйныфтан соң уку­чыларга) төшке аш буш­лай, моның өчен дәүләттән 33әр сум бүленгән. Чынлыкта бу кыйммәткәрәк төшә. Ризыклар сыйфат­лы һәм шул ук вакытта бәяләре дә арзан. Электр энергиясенә, суга, газ­га булган җитди чы­гымнарны техникум үз өстенә ала. Туклану бәя­ләренә алар керми.

    Сыйфатлы укыту, шу­ңа өстәп аш пешерүчеләр­­­нең их­лас кайгыртучанлы­гы нәтиҗәсендә - сту­дент­ларның йөзләре алсу алмадай, күзләре балкып тора һәм зиһеннәре үт­кен. Туклан­сыннар, исән булсыннар, ә сәламәтлек белән ша­ярырга яра­мый. Студентлар, алар­га ничә яшь булса да, ба­рыбер балалар. Без­нең өчен иң мөһиме - аларның һәм шулай ук бөтен коллективның сәламәтлеге.

    Нравится
    Поделиться:
    Реклама
    Комментарии (0)
    Осталось символов: