“Эшләр нәтиҗәле булырга тиеш”

(Тәтеш, 2 октябрь, “Тәтеш таңнары”). Шулай итеп, узган атнада Тәтеш муниципаль районында коррупциягә каршы хәрәкәт буенча комиссиянең чираттагы утырышында районда муниципаль кирәк-яракларны тәэмин итү өчен товарлар сатып алу, эшләр, хезмәтләр күрсәтү өлкәсендәге законны үтәү анализланды.

Комиссия әгъзалары һәм чакырылучылар – район прокуроры, Россия Эчке эшләр министрлыгының Тәтеш районы бүлеге вә­килләре, оешмалар җи­тәк­челәре, шулай ук районыбыздагы контроль-хисап палатасының 2020 елның беренче ярты еллык эше хакындагы мәгълүматны тыңлады.

Утырышта мәгариф өл­кәсендә коррупциягә каршы эшчәнлек өлкәсен тикшерделәр.
Киңәшмәне безнең район башлыгы Рәмис Сафиуллов алып барды. Тәтеш районы башлыгы нәтиҗә ясап, киңәшмәдә катнашучыларга урыннарда ­һәрдаим системалы эш алып бару, коррупциягә каршы хәрәкәт буенча эшкә аерым игътибар бүлеп бирү, коррупциягә каршы эшчәнлек өлкәсен яктырту һәм киң җәелдерү таләбе белән мөрәҗәгать итте. 
“Коррупцияне бул­дыр­­­мауны кисәтү эш­лә­ре җә­мәгатьчелек тормышындагы барлык өлкәләрдә максатчан юнәлдерелгән һәм нәтиҗәле  булырга тиеш”, – дип ассызыклады Рәмис Хатыйп улы. 

Утырыш нәтиҗәләре ­буенча тиешле карарлар кабул ителде.