Ә газета яшәячәк!

"Тәтеш таңнары" ("Авангард") - районда бердәнбер басма матбугат. Бүгенге көнгә аның тиражы 4876 данә. Ташламалы бәядән - 399 сумнан район газетасын 1136 кеше яздырды. Бүгенгә аның бәясе 534 сум тәшкил итә (оешмалар өчен - 546 сум). Әмма бу газетаны яздырмауга һәм үзеңне яхшы әңгәмәдәштән мәхрүм итүгә сәбәп була алмый.

Безнеңчә, проблема бә­ядә түгел. Дәлилләр эз­ләмик. Барлык хат ташу­чыларның да хезмәт шартлары бер. Ләкин нә­тиҗәләре төрле.

Ирина Морозова (Алекина Поляна), мәсәлән, икенче ярты еллыкка яздыру планын инде үтәде, моның өчен без аңа рәхмәтле. Нәтиҗә аның үз эшен яратуын, халык белән элемтәсе әйбәт булуын, аны хөрмәт итүләрен күрсәтә. Удельное Нечасово бүлекчәсе хат ташучылары да планнарын 56 процентка үтәделәр, Монастырский бүлекчәсе дә шул санга якынлашып килә.

Ә менә Алабирде (145тән 4 данә яздырылган), Олы Тормы (100дән 8), Байраштагы (60тан 7) хәлләр аңлашылмый, Келәш элемтә бүлекчәсендә 200дән 8 данә яздырганнар. Аларда әле подпис­ка башланмаган дип әйтергә мөмкин.

Почтада эшләүчеләр хезмәт хакларының аз, эшнең авыр булуына зарланалар, ә бит почта хезмәте җитәкчелеге эш хакларының хат ташучылар сумкасындагы газеталарның күпме булуына бәйле дип раслыйлар.

"ТАТМЕДИА" АҖ киңәшмәсендә "Татарстан Поч­тасы" коммерция эшчәнлеге буенча директор урынбасары Светлана Гришина "хат ташучылар түләүне басмаларның табышыннан алалар" (район газетасы безнекеләр өчен иң табышлысы) диде һәм "ТАТМЕДИА" генераль директоры альтернатив подпискага күчү планы белән таныштыргач, нык борчылды. Ягъни хат ташучылар планнарны үти алмасалар, газета тарату башка схема буен­ча, алардан тыш, таратылачак.

Безнең хат ташучылар моңардан нәрсә ота? Аларның сумкалары җи­ңеләячәк, әгәр бөтенләй бушамаса, эш күләмнәре кими, әмма хезмәт хакы да артмый.

Безнең югары тиражны, димәк, укучыларыбызны саклыйсыбыз килә. Почта хезмәте коллективы да таркалмасын иде, әлбәттә. Әмма моның өчен эшләргә, поч­та бүлекчәсендә абунәчеләрне көтеп ятмас­ка кирәк.

Без хезмәттәшләребезгә һәрвакыт булышабыз. Оешмаларга барабыз, күп катлы йортларның фатирлары буйлап йөрибез, авылларга чыгабыз.

Электрон газета кәгазьлесен кысрыклый дигән фикер ялгыш. Интернет тизлеге ягыннан яхшы, ә газета - турылык­лы дус.

Хөрмәтле укучылар! Сез "Тәтеш таңнары"на язы­лып, район тормы­шына үзегезнең битараф булмавыгызны күрсәтәсез һәм үзегезнең хат ташу­чыгызга ярдәм итәсез! Икенче ярты еллыкта да безнең белән калырсыз дип ышанабыз.

Тормышта бөтен нәрсә акча белән генә үлчәнми.