Шактый тоткарландылар

Узган атнаның пәнҗешәмбесендә биредә кирпеч өя башладылар. "Надежда" ҖЧҖ подрядчысына нигез төзелешенә күп вакыт сарыф итәргә туры килде. Проект буенча алдан тикшереп кую һәм аны үстерү өстәмә эшләр белән тәмамланды: бина җирдә "батмасын" өчен (ташу вакытында ул суда батырга мөмкин) өстәмә 78 блок куярга туры килде. Төзүчеләр белән дә хәлләр бик әйбәт түгел - эшләре бик акрын бара. Чуашиядән ялланган 14 кешедән торган бригада тотрыклы күренә, алар чынлап торып эшкә керештеләр.
"Надежда" мастеры Юрий Вишняков белдергәнчә, кирәкле төзелеш материаллары алынган, эш өчен кирәкле техника бар, төзүчеләрне ашату оештырылган, алар биредә вагонда яшәячәкләр, шуңа күрә объект сак астында булачак.

Республика Премьер-министрының клубларны Рес­публика көненә кадәр тапшыру карарына ике ай вакыт калып бара. Ә кирпечне өеп бетерүне төгәлләү - 15 июльгә кадәр. ТР Президенты Рөстәм Миңнеханов клубларның төзелеше өчен тагын да кискенрәк сораулар куя.
"Үзегезнең сүзләрегез өчен җавап бирәчәксез. Авыл мәдәният йортлары халык өчен кирәк", - диде ул Министрлар Кабинетында узган видеоконференциядә.

Республика киңәшмәсе тәмамланганда район башлыгы Валерий Чершинцев төзелеш эшләре барышы планын катгый үтәргә кирәклегенә игътибар итте һәм "Надежда" ҖЧҖ җитәкчелегенә объектларда графиктан артта калуларын күрсәтте, шулай ук барлык кызыксынучы затларны эшне кыска вакытларда бетерүгә барлык көчләрен һәм мөмкинлекләрен куярга чакырды.
Стартта тоткарланучылар финишка килеп җитүчеләрне куып тота алырлармы? Уңышлар телик.