Хатын-кыз-яз

Димәк, Росреестр бүлеге җитәкчесе Тимур Дубровский сүзләренчә, ул иң тәҗрибәле, җаваплы хезмәткәр, үз эшенең остасы буларак билгеле. Ундүртенче ел күчемсез милеккә хокукны терки, сату-алу, милекне бүләк итү, мираска хокукны рәсмиләштерү белән шөгыльләнә. Үз милкен рәсмиләштергән һәр кеше дә аның янында була, икенче теркәүче бер ел элек кенә алына. Кәгазь эше күп булуга карамастан, бөтен яңалыкны үзләштерергә теләгән кебек, аңа бу бик ошый.

Ике югары белеме булганлыктан - төзелеш һөнәре һәм юрист, ул тиз алышына торган законнарның бөтен нечкәлек­ләрен өйрәнеп, үз-үзен камилләштерә. Әдәпле, клиентлар белән нәзакәтле, мәрхәмәтле, тормышны яратуы, һәрвакыт шат күңелле булуы белән үзенә җәлеп итеп торучан - Клара Хәлиулловнаны хезмәттәшләре менә шулай бәялиләр. Райпо хезмәткәрләре дә аның турында нәкъ менә шундый фикердә, ул анда ипи пешерү технологы, сәүдә работниклары профсоюзы райкомы рәисе булып эшләгән, аның хакында әле "Хатын-кыз-яз" дип тә өстиләр. Бүген дә каршы очраган танышлары үзләренә эшләгән игелекләре өчен аңа рәхмәт әйтәләр. Ул елларда эшкә урнашканда да, торак алганда да, укырга кергәндә дә, шифаханәгә юллама алганда да, профсоюз җитәкчесенең сүзе үтәрлек булган. Ул үзе янына килүчеләрне кире борып җибәрми, консультацияләргә вакытын да кызганмыйча, аларның эшләрен тизрәк хәл итәргә, кирәкле документларны җыеп бирергә тырыша. Күпфункцияле үзәк ачылганнан соң, бирегә килүчеләрнең, хезмәткәрләрнең эше җиңелләшә. Шулай да эш күләме кимеми, шуңа бөтен уе да яраткан эше турында гына.

Өйгә кайту белән Клара башаягы белән өй мәшәкатьләренә кереп чума. Аның һәр нәрсәсе үз урынында, ә өстәлендә - үзе тозлаган яшелчәләр. Күл буендагы йортлары, алар аны ире Камил белән үзләре төзегән проект буенча салалар, ямьлелеге, хуҗаларының кунакчыллыгы белән үзенә җәлеп итеп тора. Утыз елдан артык бергә яшәп, ике ул тәрбияләп үстерәләр, хәзер өч онык­ларына сөенеп яшиләр. Бер-берләрен күз карашыннан ук аңлыйлар, ә моңа бергәләшеп кыенлыкларны җиңеп чыкканда гына ирешеп була.

Туган көне алдыннан мин Клара Хәлиулловнага традицион соравымны бирдем: аның күзаллавынча бәхет нәрсә ул? Моңа ул болай дип җавап бирде: Бәхет - ул җылы, назлы куллар, диван артында - кәнфит кәгазьләре, ә диванда - ризыктан коелган валчыклар...