Тэтэш таннары
  • Рус Тат
  • Һәркем үз эшен белә

    "Надежда" ҖЧҖның дүрт махсус звеносы Тәтешкә 200 ел урамындагы 5нче йортта ремонт эшләре белән шөгыльләнә.

    Аларның сыйфаты өчен мастер Юрий Иванов җаваплы. Кирәкле материалларны алдан әзерләдек, ике катлы йорт түбәсенә балкалар, такталар, профнастил, кирпеч һәм башка материалларны күтәрү өчен кран булуы да эшне тизләтә, ди ул.
    Төзелеш материаллары китерү өчен бригадага автомашина бирелгән. Кадрлар тәҗрибәле, озак еллардан бирле бергә эшлиләр. Димәк, ремонтның сыйфатлы булачагына өметләнергә мөмкин.

    Электриклар үз эшләрен тәмамлаганнар: үткәргечләрне алыштырганнар, подъездларга ВРУ щитлары урнаштырганнар. Хәзер Валентина Антонова, Нина Иванова, Татьяна Яшкиналар биредә сылау-буяу эшләрен башкаралар.

    - Алты елдан бирле бергә, инде тәҗ­рибә дә тупладык, тик менә башкарган эшләргә түләү бәя­ләре генә үзгәрмәде. Тормыш бер урында гына тормый бит, хезмәт хакы да аңардан калышмасын иде, - ди Валентина.
    Дөрес, эшләрен җиренә җиткереп башкаралар. Салат төсенә буялган беренче подъезд яктырып, матурланып киткән. Әмма төзүчеләргә фатир хуҗаларының коридорда ничек җитте шулай ясаган "чоланнары" ошап бетми.
    Чардакта да эшләр тулы көчкә бара. Ташчылар силикат кирпечтән эшләнгән элекке һава суыру торбаларын сүтәләр һәм аларның барсын да керамик торба белән тоташтырып, яндырылган кирпечтән өеп тышкы якка морҗа чыгаралар. Хәзер 34 урынына алар ике тапкырга кимрәк булачак.

    Канализация торбаларын да шулай эшләячәкләр, элек алар чардакта гына калдырылган булган. Нәтиҗәдә дымлы һава түбә калаен күгәрткән, өрлек һәм терәк рәшәткәләрен череткән.

    Түбәдә дә эшләр бара. Тотрыксыз һавада түбә ябучылар терәк рәшәткәләре озынлыгында иске калайны куптаралар, яраксыз такталар һәм балкалар урынына яңаларын куя торалар. Чардактагы эшкә комачаулык итүче бердәнбер сәбәп - белгечләр "үргән" үткәргечләр челтәре.
    Фатир эчендәге эшләргә ягу сезоны тәмамлангач керешә­чәк­ләр.

    Ремонтчылар эшне зур җавап­лылык белән башлаганнар һәм алар ахыргача һөнәри осталык­ларына турылыклы булырлар дип ышанасы килә.

    Нравится
    Поделиться:
    Реклама
    Комментарии (0)
    Осталось символов: